ދުނިޔޭގައި އުޅޭ ދޫނިސޫފާސޫފީގެ ތެރެއިން އެންމެ ސިކުނޑި ތޫނު ދޫންޏަކީ ކޮބައިކަމާމެދު ސައިންސްވެރިންގެ މެދުގައި ބަހުސް ތަކެއް ކުރެވުނު ނަމަވެސް، ގިނަ ދިރާސާ ތަކަކުން ދައްކާ ގޮތުގައި މި ލަގަބު ލިބެނީ ނިއު ކެލެޑޯނިއަން ކާޅަ އަށެވެ.

މި ކާޅަކީ ޕެސިފިކް ކަނޑުގެ ރަށެއް ކަމަށްވާ ނިއު ކެލެޑޯނިއާގައި އުޅޭ ދޫންޏެކެވެ. މީގެ ބުއްދިވެރިކަން ފާހަގަ ކުރެވެނީ އަންނަނިވި ސަބަބު ތަކަށްޓަކައެވެ:

އާލާތްތައް އުފެއްދުން: މިއީ އަމިއްލައަށް ގަސްގަހުގެ ކުރިގަނޑާއި ދަނޑިބުރި ބޭނުން ކޮށްގެން އެ ދަނޑިކޮޅު ބުޅިއެއް ގޮތަށް ހަދައިގެން ގަސްގަހުގެ ހޮރު ތަކުގައި ތިބޭ ފަނިފަކުސަ ނެރެން ދަންނަ ދޫންޏެކެވެ.

އެކި ކަހަލަ ތަޖުރިބާ ތަކުން ދައްކާ ގޮތުގައި، ކާނާ ހޯދުމަށްޓަކައި އެތައް މަރުހަލާއެއްގެ އުނދަގޫ މަސައްކަތްތައް ތަރުތީބުން ކުރަން މި ދޫންޏަށް އެނގެއެވެ. މީގެ ބޮޑެތި ދޫނިތައް ކުރާ މަސައްކަތް ބަލައިގެން، ކުދި ދޫނިތައް އެ ހުނަރުތައް ދަސް ކުރެއެވެ.

ދެވަނައަށް އެންމެ ބުއްދިވެރި ދޫންޏެއްގެ ގޮތުގައި ފާހަގަ ކުރެވެނީ އެފްރިކަން ގްރޭ ޕެރަޓް އެވެ. މީގެ ބުއްދި ހުންނަނީ ގާތްގަނޑަކަށް 5 އަހަރުގެ ކުޑަކުއްޖަކާ އެއްވަރަށެވެ.
މިއީ ހަމައެކަނި އަޑު ކޮޕީކުރާ އެއްޗެއް ނޫނެވެ. ބައެއް ދޫނިތަކަށް 1000 އަށްވުރެ ގިނަ ބަސް ދަސްވެ، އެ ބަސްތަކުގެ މާނަވެސް އެނގެއެވެ.

އެކި ކަހަލަ ކުލަތަކާއި، ބައްޓަންތަކާއި، އަދި އަދަދުތައް ވަކިކޮށް ބުނެދިނުމުގެ ގާބިލުކަން މީގެ ކިބައިގައި ހުރެއެވެ. ކާޅު އާއިލާގެ ދޫނިތަކުގެ ބުއްދިވެރިކަމަކީ އިންސާނުން އަބަދުވެސް ހައިރާން ކުރުވާ ކަމެކެވެ. މީގެ ތެރެއިންވެސް ނިއު ކެލެޑޯނިއަން ކާޅަކީ އަމިއްލައަށް އާލާތްތައް އުފައްދައިގެން ބޭނުން ކުރުމުގެ ގާބިލުކަން ލިބިފައިވާ، "ދުނިޔޭގެ އެންމެ ސިކުނޑި ތޫނު ދޫނި" ކަމަށް ގިނަ ސައިންސްވެރިން އެއްބަސްވާ ދޫންޏެވެ.