ސަރުކާރަށް ފާޑުކިޔައި ރާއްޖެ ޓީވީން ދެއްކި ލަވައެއްގެ މައްސަލަ ބަލަން ފަށައިފި

ސަރުކާރަށް ފާޑުކިޔައި ރާއްޖެ ޓީވީން ދެއްކި ލަވައެއްގެ މައްސަލަ ބަލަން ފަށައިފި

އަމިއްލަ ޓީވީ ސްޓޭޝަނެއް ކަމުގައިވާ ރާއްޖެ ޓީވީން ދެއްކި ލަވައެއްގެ މައްސަލަ ބްރޯޑްކާސްޓިން ކޮމިޝަނުން ބަލަން ފަށައިފިއެވެ.

މި ލަވައަކީ ސަރުކާރަށް ފާޑުކިޔައި އެ ސްޓޭޝަނުން ދެއްކި ލަވައެެކެވެ. އެއީ ދާދިފަހުން އެމްޑީޕީން ކުރިޔަށް ގެންދިޔަ ބޮޑު ހިނގާލުމުގެ ތެރޭގައި ދެއްކި ލަވައެކެވެ. މައުލޫމާތު ލިބިފައިވާ ގޮތުގައި އެ ލަވައިގެ ޅެން ހަދާފައި ވަނީ ރާއްޖެ ޓީވީގެ ޕްރެޒެންޓަރު އާމިރު ސަލީމެވެ.

ބްރޯޑްކޮމް އިން ރާއްޖެ ޓީވީއަށް މި މައްސަލައިގައި އަންގާފައި ވަނީ އެ ލަވައިގެ މައްސަލަ ބަލަމުން އަންނަ ކަމަށެވެ. ނަމަވެސް މިއީ ކޮމިޝަނުން އަމިއްލައަށް އިސްނަގައި ބަލާން ފެށި މައްސަލައެއް ކަމެއް ނުވަތަ އެއްވެސް ފަރާތަކުން ޝަކުވާއެއް ހުށަހަޅައިގެން ބަލަމުން އަންނަ މައްސަލައެއް ކަމެއް އެ ކޮމިޝަނުން އަދި ނުބުނެއެވެ. އަދި އެކަން ރާއްޖެ ޓީވީއަށް ފޮނުވި ސިޓީގައިވެސް ނެތެވެ.

މިއީ ބްރޯޑްކޮމް އިން މި ފަހުން ބަލަން ފެށި މީޑިޔާގެ ފުރަތަމަ މައްސަލައެވެ. މި މައްސަލަ ބަލަން ފެށިއިރު ދާދިފަހުން ވަނީ އެ ކޮމިޝަނަށް އިތުރު ދެ މެމްބަރަކު އައްޔަން ކުރައްވާފައެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *