ހުޅުމާލޭ ފޭސް ދޭއްގައި އިމާރާތް ކޮށްފައިވާ ހިޔާ ފްލެޓް ތަކުގައި އިތުރު ލިފްޓް ހަރު ކުރުމަށް 278 މިލިޔަން ރުފިޔާ ޚަރަދުވާނެ ކަމަށް އެޗްޑީސީން ބުނެފިއެވެ.
އެޗްޑީސީގެ މެނޭޖިންގ ޑިރެކްޓަރު އިބްރާހީމް ފަޒުލް ރަޝީދު މިއަދު ރައްޔިތުންގެ މަޖިލީހުގެ މާލިއްޔަތު ކޮމިޓީގައި ވާހަކަ ދައްކަވަމުން ވިދާޅުވީ، 16 ޓަވަރު ހުރިއިރު، އެއިން ކޮންމެ ޓަވަރެއްގައި އިތުރު ދެ ލިފްޓް ހަރު ކުރަމުން އަންނަ ކަމަށެވެ. އެއީ ޕަސެންޖަރ ލިފްޓަކާއި ސްޓްރެޗަރ ލިފްޓެއް ކަމަށްވެސް އޭނާ ވިދާޅުވިއެވެ.
ހިޔާގެ ޓަވަރު ތަކުގައި ހަރުކުރާ ލިފްޓް ތަކަށް ޚަރަދުވާ 278 މިލިޔަން ރުފިޔާއަކީ ޑޮލަރު ރޭޓުން ބަލާއިރު 18 މިލިއަން ޑޮލަރު ކަމަށްވެސް އޭނާ ވިދާޅުވިއެވެ. މި މަސައްކަތް ހަވާލުކޮށްފައި ވަނީ ޗައިނާގެ ޝެންޔަންގް ޔުއާންޑާ އިންޓެލެކްޗުއަލް ގުރޫޕާއެވެ.
