ރައްޔިތުންގެ މަޖިލީހުގެ މެމްބަރުން، މެމްބަރު ކަމުން ވަކިކުރެވޭ ގޮތަށް މިހާރު މަޖިލީހަށް ހުށަހަޅައި ބަހުސް ކުރަމުން އަންނަ ބިލުގައި މިހާރު އޮތްގޮތް ކަމުނުދާ މޭރުމުން ވާހަކަ ދައްކަވައި، އެ މާއްދާއަށް ހުރާ ދާއިރާގެ މެމްބަރު އަނާރާ ނައީމް ހުށަހެޅުމެއް ހުށަހަޅުއްވައިފިއެވެ.
ބަހުސްގައި ވަރަށް ކުރުކޮށް ވާހަކަ ދައްކަވަމުން އަނާރާ ވިދާޅުވީ، އެ ކަމަށް ހުށަހަޅުއްވާ އިސްލާޙަކީ މެމްބަރުން، މެމްބަރު ކަމުން ވަކިކުރެވޭނީ އެ މެމްބަރު ހޮވި ދާއިރާގެ ރައްޔިތުންގެ ވޯޓަކަށް ގޮސް، އަޣްލަބިއްޔަތު ވޯޓުން އެގޮތަށް ފާސް ވެގެން ކަމަށެވެ. އެގޮތަށް އަނާރާ ހުށަހަޅުއްވާފައި ވާހަކަ ކުރުކޮށްލެއްވިއެވެ.
އަނާރާއަކީ އަމިއްލަ މެމްބަރެއްގެ ގޮތުގައި މަޖިލީހަށް ހޮވުނު މެމްބަރެކެވެ. ނަމަވެސް ހޮވުމާއެކު އަނާރާ ވަނީ ވެރިކަންކުރާ ޕާޓީއާ ގުޅިވަޑައިގެންފައެވެ.
މިހާރު މަޖިލީހުގައި ބަހުސް ކުރަމުން އަންނަ މި ބިލާމެދު މެބްރުން ބަހުސް ކުރަމުން އަންނައިރު، ބަޔެއް އަމިއްލަ މެމްބަރުންވެސް ދަނީ މި ބިލާމެދު ކަންބޮޑުވުން ފާޅު ކުރައްވަމުންނެވެ. ނަމަވެސް ބިލާއެއްކޮޅަށްވެސް ބަޔެއް މެމްބަރުން ވާހަކަ ދައްކަވަމުން އެބަގެންދަވައެވެ.
