ރައްޔިތުންގެ މަޖިލީހުގެ އިންތިޚާބުގައި ވާދަ ކުރެއްވި ބައެއް ކައުންސިލަރުން އިންތިޚާބު ކާމިޔާބުކޮށް، މެންބަރު ކަމުގެ ހުވާ ކުރައްވާފައި ވަނީ އެ ދާއިރާ ތަކުގެ ބައި -އިލެކްޝަންސް އަންނަ ޖުލައި މަހުގެ 20 ގައި ބޭއްވުމަށް އިލެކްޝަން ކޮމިޝަން (އީސީ)ން ނިންމައިފިއެވެ.

އީސީން ބުނީ ބައި އިލެކްޝަންގެ ވޯޓުލުން ކުރިއަށް ގެންދިއުމަށް ހަމަޖެހިފައި ވަނީ އެ ދުވަހުގެ ހެނދުނު 8:00 އިން ހަވީރު 4:00 އަށް ކަމަށެވެ. އަދި ބައި އިލެކްޝަންސްގެ ރަސްމީ ނަތީޖާ އިއުލާން ކުރުމަށް ހަމަޖެހިފައި ވަނީ ޖުލައި 22 ގައި ކަމަށެވެ.

ބައި- އިލެކްޝަން ބާއްވާ ދާއިރާތަށް:

–  ޅ އަތޮޅު ކައުންސިލް ރައީސް

–  ފ. ބިލެތްދޫ ކައުންސިލް ރައީސް

–  ކުޅުދުއްފުށި ސިޓީ ކައުންސިލް މެންބަރު (ކުޅުދުއްފުށި އުތުރު ދާއިރާ)

– ރ. ހުޅުދުއްފާރު ކައުންސިލް މެންބަރު

– މާލެ ސިޓީ ކައުންސިލް މެންބަރު (ހެންވޭރު ހުޅަނގު ދާއިރާ)

– މާލެ ސިޓީ ކައުންސިލް މެންބަރު (މައްޗަންގޮޅި މެދު ދާއިރާ)

– މާލެ ސިޓީ ކައުންސިލް މެންބަރު (ހުޅުމާލެ ދާއިރާ)

– ރ. ރަސްމާދޫ ކައުންސިލް މެންބަރު (އަންހެނުންނަށް ހާއްސަކޮށްފައިވާ ގޮނޑި)

ބައި އިލެކްޝަންގައި ވާދަކުރުމަށް އެދި ހުށަހަޅާ ފޯމު www.elections.gov.mv އިން ޑައުންލޯޑް ކުރެވެން ހުންނާނެ ކަމަށް އީސީން ބުންޏެވެ.