ނިއު ގިނީގެ ވަލު ޖަންގަލިތަކުގައި ދިރިއުޅޭ ހޫޑެޑް ޕިޓޯހުއީ އަކީ އޭގެ ބޭރުފުށުގެ ރީތިކަމުން އިންސާނުން އޮޅުވާލާފަދަ ދޫންޏެކެވެ.

މުށި ރަތްކުލައާއި ކަޅުކުލައިގެ ފަތްތަކެއް ލިބިފައިވާ މި ދޫންޏަކީ ދުނިޔޭގައި ފެންނަން އުޅޭ އެންމެ ތަފާތު އެއް ދޫންޏެވެ. ސަބަބަކީ މިއީ ވިހަގަދަ އެއްޗަކަށް ވުމެވެ.

1990 ގެ އަހަރުތަކާ ހަމައަށް ސައިންސްވެރިން ގަބޫލު ކުރަމުން އައީ ދޫންޏަކީ ވިހަ އެއްޗަކަށް ވެދާނެ ކަމަކަށް ނޫނެވެ. ނަމަވެސް، ޕިޓޯހުއީގެ މި ސިއްރު ހާމަވުމާއެކު އެ ގަބޫލު ކުރުން ބަދަލުވިއެވެ.

މި ދޫނީގެ ނުރައްކާތެރި ސިއްރު ހާމަވީ 1989 ވަނަ އަހަރު ސައިންސްވެރިއެއް ކަމަށްވާ ޖެކް ޑަމްބާކަރް އަށެވެ. ދިރާސާއަކަށް ޖަހާފައިވާ ދަލަކުން މި ދޫނި ނައްޓަން އުޅުމުގެ ތެރޭގައި ދޫނި އޭނާގެ އަތުގައި ދަތްއަޅައި ވަކި އެޅިއެވެ. އެ ތަނުން ލޭ އައުމުން އޭނާ އަމިއްލައަށް އެ ތަނުގައި ދޫލެވުމާއެކު، އޭނާގެ ތުންފަތާއި ދޫ އައްސިވާން ފެށިއެވެ.

އިތުރަށް ކުރި ދިރާސާތަކުން އެނގުނު ގޮތުގައި، މި ދޫނީގެ ހަށިގަނޑުގައި ހުންނަނީ ބެޓްރަކޯޓޮކްސިން އެވެ. މިއީ ދެކުނު އެމެރިކާގެ "ޕޮއިޒަން ޑާޓް ފްރޮގް" ނުވަތަ ވިހަ ބޮއް ތަކުގެ ހަށިގަނޑުން ފެންނަ ވަރުގަދަ ވިހައެކެވެ.

ޕިޓޯހުއީ އަކީ އަމިއްލައަށް މި ވިހަ އުފައްދާ އެއްޗެއް ނޫނެވެ. ބެލެވޭ ގޮތުގައި މި ވިހަ ހަށިގަނޑަށް އަންނަނީ ކާ ތަކެތީގެ ސަބަބުންނެވެ.
ސައިންސްވެރިން ބުނާ ގޮތުގައި މިއީ މި ދޫނި ކައިއުޅޭ މެލީރިޑް ބީޓްލް ކިޔާ ކުޑަ ފަންޏެއްގެ ފަރާތުން އަންނަ ވިހައެކެވެ.
މި ވިހަ އެންމެ ގިނައިން ހުންނަނީ ދޫނީގެ ހަމާއި ފަތް ތަކުގައެވެ. ޚާއްޞަކޮށް ބަނޑުދަށާއި ފައިގައެވެ.
މި ވިހައިގެ ސަބަބުން ނާރުތަކުގެ މަސައްކަތަށް ބުރޫއަރައި، މަސްތައް ވާގިނެތި، އަދި ހިތް ހުއްޓުމަށް މެދުވެރިވެދެއެވެ.

ނިއު ގިނީގެ ރަށްވެހިން މި ދޫންޏަށް ކިޔައިއުޅެނީ "ބޭނުމެއް ނުހިފޭ ދޫނި" އެވެ. ސަބަބަކީ އޭގެ ހަންގަނޑު އެއްކޮށް ނުނައްޓާ އަދި ޚާއްޞަ ގޮތަކަށް ތައްޔާރު ނުކޮށްފިނަމަ، އޭގެ މަސް ކެއުމަކީ ނުރައްކާތެރި ކަމަކަށް ވާތީއެވެ.

ވިހަގަދަ ވުމުގެ އިތުރުން، މި ދޫނީގެ ބައެއް ސިފަތަކަކީ،
ބޮލުގައި ކަޅުކުލައިގެ "ހޫޑެއް" އިންނައިރު، ހަށިގަނޑުގެ ބާކީބައި ހުންނަނީ ގަދަ އޮރެންޖު ނުވަތަ މުށިކުލައިގައެވެ. ބޮޑުމިނަކީ ގާތްގަނޑަކަށް އާދައިގެ ބްލޫ ޖޭ އެއްގެ ބޮޑުމިނެވެ  ކާނާ އަކީ މޭވާއާއި، އޮށާއި، އަދި ވިހަގަދަ ފަނިފަކުސައެވެ. މިއީ ވަރަށް ރީތިކޮށް ލަވަކިޔާ، އަޑުގަދަ ދޫންޏެކެވެ.

ހޫޑެޑް ޕިޓޯހުއީ އަކީ ގުދުރަތީ ދުނިޔޭގައި އަދިވެސް އަހަރެމެންނަށް ނޭނގޭ އެތައް ކަމެއް ހުރިކަމުގެ ހެއްކެކެވެ. އޭގެ ރީތި ކުލަތަކަކީ ހަމައެކަނި ރީތިކަމެއް ނޫނެވެ؛ އެއީ "މަށާ ކައިރިނުވާށޭ" ބުނެ އެހެން ޖަނަވާރުންނަށް ދޭ އިންޒާރެކެވެ.