ރާއްޖޭގައި ޓިކްޓޮކް ބްލޮކް ކުރަން އުޅޭ ކަމަށް ދެކެވޭ ވާހަކަތައް ސަރުކާރުން މިއަދު ދޮގު ކޮށްފި އެވެ.
ރައީސް އޮފީހުގެ ތަރުޖަމާނު ހީނާ ވަލީދު އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ އެއްވެސް ސޯޝަލް މީޑިޔާ ޕްލެޓްފޯމެއް ބްލޮކް ކުރަން ސަރުކާރުން ނުވިސްނާ ކަމަށާއި އެފަދަ މަޝްވަރާތަކެއްވެސް ކޮށްފައިނުވާ ކަމަށެވެ.
"ބަޔެއް ސޯޝަލް މީޑިޔާ ޕްލެޓްފޯމްތައް ބްލޮކް ކުރަން އުޅޭ ކަމަށް ދެކެވޭ ވާހަކަ ތަކަކީ ކަނޑައެޅިގެން ދޮގެއް. ސޯޝަލް މީޑިޔާ އެއްވެސް ޕްލެޓްފޯމެއް ބްލޮކް ކުރަން ސަރުކާރަކުން ނުނިންމާ އަދި އެފަދަ މަޝްވަރާއެއްވެސް ނުކުރޭ،“ ހީނާ ވިދާޅުވިއެވެ.
ރައީސް ޑރ. މުހައްމަދު މުއިއްޒުގެ ވިސްނުންފުޅަކީ ގާނޫނުއަސާސީއިން ރައްޔިތުންނަށް ލިބިދޭ އަސާސީ ހައްގުތައް ރައްކާތެރިކޮށް ކުރިއެރުވުން ކަމަށް ހީނާ ވިދާޅުވި އެވެ.
