ލިޔުނީ: ހަސަން މުހަންމަދު

ރައީސުލްޖުމްހޫރިއްޔާ ޑރ މުހަންމަދު މުއިއްޒުގެ ކެބިނެޓުގައި ހިމެނިވަޑައިގެންނެވި ވަޒީރުންގެ ތެރެއިން ރައްޔިތުންގެ މަޖިލީހުން ރުހުން ނުދެއްވި ތިން ވަޒީރުން އަލުން އެ މަގާމަށް އައްޔަން ކުރައްވައިފިއެވެ.

ރުހުން ނުލިބުނު ތިން ވަޒީރުންނަކީ އިސްލާމިކް މިނިސްޓަރ ޑރ މުހަންމަދު ޝަހީމް އަލީ ސައީދާއި، ހައުސިންގ މިނިސްޓަރ އަލީ ހައިދަރުގެ އިތުރުން ބަންޑާރަ ނައިބު މުހަންމަދު އުޝާމްއެވެ. މަޖިލީހުން ރުހުން ނުދެއްވި މި ތިން ބޭފުޅުންވެސް ރައީސް އަލުން އައްޔަން ކުރެއްވީ ކުރިންވެސް ތިއްބެވި މަގާމު ތަކަށެވެ.

ރައީސް އޮފީހުގައި އޮތް މި ރަސްމިއްޔާތުގައި މި ތިން ވަޒީރުންނަށްވެސް މަގާމުގެ ހުވާ ލައިދެއްވީ ސުޕްރީމް ކޯޓުގެ ފަނޑިޔާރު ހުސްނުއްސުއޫދެވެ.