ބ. އަތޮޅުގައި ހިންގާ ރިސޯޓެއްގައި ޒުވާން ފިރިހެނަކު މަރުވި މައްސަލައެއް ފުލުހުން ބަލަން ފަށައިފި އެވެ.
ފުލުހުން ބުނީ، 21 އަހަރުގެ އެ ޒުވާނާ މަރުވެފައިވާ މައްސަލަ ރިޕޯޓް ކުރީ 23 އޮގަސްޓް 2025 ގައެވެ. އެ މައްސަލައިގައި އިތުރަށް ބަލަންޖެހޭ ކަންތައްތައް ބަލައި މަރު ދެނެގަތުމަށް އޮޓޮޕްސީ ހެދުމަށް ތަހުގީގު ޓީމުން ނިންމާފައިވާ ކަމަށްވެސް ބުންޏެވެ.
އެނގިފައިވާ ގޮތުގައި މަރުވެފައިވަނީ ބ. އަތޮޅު ނޮޓިލަސް ރިސޯޓުގައި މަސައްކަތް ކުރަމުންދިޔަ ކ. ގުރައިދޫއަށް ނިސްބަތްވާ އަދީލް އަހުމަދު ނަމަކަށް ކިޔާ ޒުވާނެކެވެ. އޭނާ މަރުވި ކަމަށް ވަނީ އަމިއްލައަށެވެ.
