ސިންގަޕޫރަށް ކުރެއްވި ނުރަސްމީ ދަތުރުފުޅު ނިންމަވައިލެއްވުމަށްފަހު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި އެ މަނިކުފާނުގެ އަނބިކަނބަލުން ސާޖިދާ މުޙައްމަދު މިރޭ ރާއްޖެ ވަޑައިގެންފިއެވެ.
އެނގިފައިވާ ގޮތުގައި ރައީސް ސިންގަޕޫރަށް ވަޑައިގެންނެވީ ބޭސް ފަރުވާއަށެވެ.
މީގެ ކުރިންވެސް ރައީސް ވަނީ ބޭސް ފަރުވާއަށް ސިންގަޕޫރަށް ވަޑައިގެންފައެވެ.
ރައީސް މުޢިއްޒު އެންމެ ފަހުން ސިންގަޕޫރަށް ނުރަސްމީ ދަތުރުފުޅެއްގައި ވަޑައިގެންފައިވަނީ މިދިޔަ މެއި މަހުގެ ތެރޭގައެވެ. އެ ދަތުރުފުޅުގައިވެސް އެމަނިކުފާނުގެ އަނބިކަނބަލުން ސާޖިދާ މުޙައްމަދު ވެސް ބައިވެރިވެވަޑައިގެންނެވިއެވެ.
