ޒަމާނީ ބޭސްވެރި ކަމަށް މިހާރު މިވަނީ ބޮޑު ބަދަލެއް އަންނަން ފަށާފައެވެ. ޗައިނާގެ ސައިންސްވެރިން ވަނީ ސްޓެމް ސެލް ތެރަޕީ ބޭނުން ކޮށްގެން ޓައިޕް 1 އަދި ޓައިޕް 2 ހަކުރުބަލި (Diabetes) މުޅިން ރަނގަޅު ކޮށްފައިވާ ކަމަށް ރިޕޯޓް ކޮށްފައެވެ.

މި އާ ހޯދުމަކީ ހަށިގަނޑުގައި އަމިއްލައަށް އިންސިއުލިން އުފައްދައިދޭ ސެލްތައް އަލުން އުފެއްދުމަށް އަމާޒުކޮށްގެން ހޯދި ހޯދުމެކެވެ. މީގެ ސަބަބުން ހަށިގަނޑުގެ ލޭގައި ހަކުރު ހުންނަ މިންވަރު އަމިއްލައަށް ކޮންޓްރޯލް ކުރުމުގެ ގާބިލުކަން އަލުން ލިބިގެންދެއެވެ.

ކުރީކޮޅުގެ ނަތީޖާތަކުން ދައްކާގޮތުގައި، ބަލިމީހުންގެ ސިއްހަތަށް ބޮޑެތި ކުރިއެރުން ތަކެއް ލިބި، ގިނަ ބަޔަކު ވަނީ ކޮންމެ ދުވަހަކު ބޭނުންކުރާ ބޭސްތައް ވަރަށް ބޮޑަށް މަދުކޮށް ނުވަތަ މުޅިން ހުއްޓާލާފައެވެ. ހަށިގަނޑުގެ އަސްލު މަސައްކަތްތައް އިއާދަކޮށް ދިނުމުން، މިއީ ދުނިޔޭގެ އެތައް މިލިއަން ބަޔަކަށް ލިބިގެންދާނެ އުއްމީދީ ފަރުވާއެކެވެ.

މި ނަތީޖާތައް ދެމިއޮވެއްޖެ ނަމަ، މިއީ ބޭސްވެރިކަމުގެ ތާރީޚީ ބަދަލަކަށް ވާނެއެވެ. ހަކުރު ބައްޔަކީ އުމުރު ދުވަހުގެ ތަކުލީފެއްގެ ބަދަލުގައި، ފަރުވާކޮށްގެން މުޅިން ރަނގަޅު ކުރެވޭނެ ބައްޔަކަށް ވެގެންދާނެއެވެ.
ބަލި ކޮންޓްރޯލް ކުރުމުގެ ބަދަލުގައި ބަލި ފިލުވާލުން
މި އިންގިލާބީ ބަދަލުގެ އަސްލަކީ ސްޓެމް ސެލް ބޭނުން ކޮށްގެން އައިލެޓް ސެލްތައް އިންދުމެވެ. މީގެ ކުރިން ހަކުރުބަލީގެ ބަލިމީހުން ދިރިތިބުމަށްޓަކައި ބޭރުން އިންސިއުލިން ޖަހަން ޖެހުނު ނަމަވެސް، މިހާރު ބަލިމީހާގެ އަމިއްލަ ސެލްތައް ބޭނުން ކޮށްގެން އިންސިއުލިން އުފައްދާ ސެލްތަކަށް ބަދަލު ކުރެވެއެވެ.

މި ފަރުވާ މަސައްކަތްކުރާ ގޮތް:
ސެލްތައް އަލުން ޕްރޮގްރާމްކުރުން: ޚާއްސަ ކެމިކަލްތަކެއް ބޭނުންކޮށްގެން ސެލްތައް "ރީސެޓް" ކުރެވެއެވެ.

ބަދަލުކުރުން: މި ސެލްތައް އިންސިއުލިން އުފައްދާ ދުޅަހެޔޮ ސެލްތަކަކަށް ބަދަލުކުރެވެއެވެ.

އިއާދަކުރުން: މި ސެލްތައް އަނބުރާ ހަށިގަނޑަށް ލުމުން، އެ ސެލްތަކުން ލޭގައި ހަކުރު ހުރި މިންވަރު ދެނެގަނެ، ބޭނުންވާ މިންވަރަށް އަމިއްލައަށް އިންސިއުލިން ދޫކުރަން ފަށައެވެ.
"ޝިފާ" އަށް އިސްކަންދިނުމުގެ ފަލްސަފާ މި ބަދަލަކީ ބޭސްވެރިކަމުގެ ދާއިރާގައި ގެންގުޅޭ ވިސްނުމަށް އައި ބޮޑު ބަދަލެކެވެ. މީގެ ކުރިން ބޮޑަށް އިސްކަންދެވުނީ ބަލީގެ އަލާމާތްތައް ކޮންޓްރޯލް ކުރުމަށެވެ. ނަމަވެސް މިހާރު އަމާޒަކީ ބަލިމީހާގެ ހަށިގަނޑު އަމިއްލައަށް ބަލިން ސަލާމަތްވުމަށް އެހީތެރިވެދިނުމެވެ.

"މިއީ ހަމައެކަނި އާ ބޭހެއް ނޫނެވެ؛ މިއީ އިންސާނާގެ ހަށިގަނޑު މަސައްކަތްކުރާ ގޮތަށް ގެނެވޭ އާ ސިސްޓަމެކެވެ."

ތާރީޚީ ބަދަލެއްގެ ކުރިމަތީގައި މި ފަރުވާ ދުނިޔޭގެ ފެންވަރުގައި ކާމިޔާބު ވެއްޖެނަމަ، މީގެ ސަބަބުން ކިޑްނީ ފެއިލްވުމާއި، ލޯ އަނދިރިވުން ފަދަ ހަކުރު ބަލީގެ ނުރައްކާ ތަކުން އެތައް ބަޔަކު ސަލާމަތްވާނެއެވެ. ހަކުރު ބައްޔަކީ އުމުރު ދުވަހު އުފުލަންޖެހޭ ބުރައެއްގެ ބަދަލުގައި، ފަސޭހަ ކުރެވޭނެ ބައްޔަކަށް މިވަނީ ވެފައެވެ.