އައްޑޫ ސިޓީގައި ހުންނަ ޕޮލިސް ކޮލެޖުގެ ދަރިވަރުން ތަކެއް ކާނާ ވިހަވުމުގެ ހާދިސާގައި ބައެއް ދަރިވަރުންގެ ހާލު ސީރިއަސްވެ އައިސީޔޫގައި ފަރުވާދޭން ފަށައިފިއެވެ.

ފުލުހުން މިރޭ ބުނީ ޕޮލިސް ކޮލެޖުގެ ގިނަ ދަރިވަރުން ތަކެއް ބަލިވެ، އައްޑޫ އިކުއެޓޯރިއަލް ހޮސްޕިޓަލުގައި މިވަގުތު ވަނީ އެނދުމަތި ކޮށްފައި ކަމަށެވެ. އަދި ބުނީ މިކަން ދިމާވި ސަބަބު ހޮސްޕިޓަލް މެދުވެރިކޮށް ބަލަމުންދާ ކަމަށެވެ.

އެނގިފައިވާ ގޮތުގައި 32 ދަރިވަރަކު ވަނީ ކާނާ ވިހަވެފައެވެ.

ފުލުހުން އެ ހާދިސާގެ އިތުރު މައުލޫމާތު ހިއްސާކޮށް ބުނީ، 32 ދަރިވަރުންގެ ތެރެއިން ފަސް ދަރިވަރަކަށް އައިސީޔޫގައި ފަރުވާ ދެމުންދާ ކަމަށެވެ. އައިސީޔޫގައި ފަރުވާ ދެމުންދާ ފަސް ކުދިންގެ ތެރެއިން އެއް ކުއްޖެއްގެ ހާލު ސީރިއަސް ކަމަށް ފުލުހުން ބުންޏެވެ.

ކާނާ ވިހަވި ދަރިވަރުންނަކީ އަންނަ ހޮނިހިރު ދުވަހު ފުލުހުންގެ ބޭސިކް ޓްރެއިނިން ފަށާ ބެޗުގެ ދަރިވަރުންނެވެ.