އެމްއެމްޕީއާރުސީގެ ހިޔާނާތުގައި ހިމެނޭ ތިން ފަޅެއްގެ ދަރަންޏެއް އޮތްތޯ ބެލުމަށް ޓޫރިޒަމް މިނިސްޓްރީން އިއުލާނުކޮށްފިއެވެ.
އެމްއެމްޕީއާރުސީގެ ޚިޔާނާތުގައި ފާހަގަކޮށްފައިވާ ތިން ފަޅުގެ ތެރެއިން ދަރަންޏެއް އޮތްތޯ ބެލުމަށް ޓޫރިޒަމް މިނިސްޓްރީން އިއުލާންކޮށްފައިވާ ތިން ފަޅަކީ މާލެ އަތޮޅުގައި ހިމެނޭ ތިން ފަޅެވެ. އެފަޅުތަކަކީ ސިންގަޕޫރުގެ ސަނީ ހޯލްޑިންސް އަށް ދޫކޮށްފައިވާ ފަޅާއި، ތުރުކީގެ ވިޔަފާރިވެރިންތަކެއް ހިމެނޭ ޑެޕެޒާ ސާވިސަސް އިން ކުއްޔަށް ނަގާފައިވާ ކ.ވާވެއްދި ފަޅާއި ދުބާއީގެ ޑެލްމާ ކުންފުނިން ކުއްޔަށް ނަގާފައިވާ ކ.ތޮޅިމަރާހުރާ ފިނޮޅާއި ފަޅެވެ.
ޓޫރިޒަމް މިނިސްޓްރީން ވިދާޅުވީ މިތިންފަޅުގެ އެއްވެސް ކުއްޔަށް ދިނުމާބެހޭ ލީސް އެގްރީމަންޓްގެ ދަށުން، އެ ފަޅުތައް ކުއްޔަށްހިފާފައިވާ ފަރާތަށް ލިބިދީފައިވާ އެންމެހާ ހައްޤުތައް، އެހެންފަރާތަކަށް ބަދަލު ކުރުމުގެ ހުއްދައަށް އެދި އެފަރާތުން ހުށަހަޅުއްވާފައިވާތީ، އެ ފަޅާއި ގުޅިގެން އެއްވެސް ދަރަންޏެއް ނުވަތަ މައްސަލައެއް އޮތްފަރާތެއް ވާނަމަ އެކަން ހުށަހަޅަން 14 ދުވަހުގެ މުއްދަތެއް ވަނީ ދީފައެވެ.
އެމްއެމްޕީއާރުސީ ޚިޔާނާތުގެ މައްސަލާގައި ތަހުގީގީ އިދާރާތަކުން މިހާރުވެސް ދަނީ ގިނަ މައްސަލަތަކެއް ތަހުގީގް ކުރަމުންނެވެ. އޭގެ ތެރޭގައި ރިސޯޓް ހެދުމަށް އޭރު ދޫކުރި 30 އަށްވުރެ ގިނަ ފަޅުގެ މައްސަލަވެސް ހިމެނެއެވެ. މީގެ ތެރޭގައި އެމްއެމްޕީއާރުސީގެ ޚިޔަނާތާއި ގުޅުންއޮތް 3 ބިލިޔަން ރުފިޔާގެ ޚިޔާނާތާއި ގުޅުންހުރި ފަޅުތައްވެސް ހިމެނެއެވެ.
އޮޑިޓަ ޖެނެރަލްގެ އޮފީހުން 2015 ވަނަ އަހަރު ނެރުނު ރިޕޯޓެއްގައިވާ ގޮތުން، އެމްއެމްޕީއާރުސީން އެކި ފަރާތްތަކަށް ދައްކަން ޖެހޭ ފައިސާގެ ތެރޭގައި ޓޫރިޒަމް މިނިސްޓްރީ އަށް ދޭން ޖެހޭ 1.5 ބިލިއަން ރުފިޔާ ވެސް ހިމެނެއެވެ. އެކަމަކު، އެ ރިޕޯޓުގައި ފާހަގަކޮށްފައިވާ އަދަދުތަކުގެ ސައްހަކަން ކަށަވަރެއް ނުކުރެވެއެވެ.
