ވިހި އަހަރުން ދަށު ސާފް ޗެމްޕިއަންޝިޕް 2026 ގައި ކުޅޭ ދިވެހި ޒުވާން ޤައުމީ ފުޓްބޯޅަ ޓީމަށް ސަޕޯޓު ކަނޑާ ނުލުމަށް، ޓީމުގެ ކޯޗު އިސްޓަވާން އުރުބާނީ ސަޕޯޓަރުންނަށް އިލްތިމާސްކޮށްފި އެވެ.
މާރިޗް 23 ން އޭޕްރީލް 3 ގެ ނިޔަލަށް ގަލޮޅު ދަނޑުގައި ކުރިޔަށްދާ މި މުބާރާތުގައި ރާއްޖެ ކުޅުނު ފުރަތަމަ މެޗަށް ފަހު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަމުން ކޯޗު ބުނީ، ފުރަތަމަ މެޗުގައި ސްރީލަންކާ އަތުން 3-2 ގެ ނަތީޖާއަކުން ބަލިވި ކަމުގައި ވިޔަސް، ޓީމު ދޫކޮށްލަންވީ ވަގުތެއް ނޫން ކަމަށެވެ.
"ކިހިނެތްވީ ފަހު ފަސް މިނިޓްގެ ތެރޭގަ؟ އެ ކުޅުންތެރިން ޒޯނަށް ދިޔަ. މޮޅުވުމުގެ ރޫހު ފެނުނީ. އެއީ އަހަރުމެން ހާސިލް ކުރަންވީ ކަމަކީ." ކޯޗު ބުންޏެވެ.
ކޯޗު ތަކުރާރުކޮށް ފާހަގަ ކުރި ގޮތުގައި، ޓީމަށް ކުރިމަތިލާ ހެދި ހަދާ ދަތިކަމުގެ ބޮޑު ސަބަބަކީ ބައިނަލްއަގްވާމީ މެޗު ތަޖުރިބާ ނެތުމެވެ. ދިވެހި ފުޓްބޯޅަ ގިނަ ދުވަސްތަކެއް ވަންދެން ހުއްޓިފައި ތިބުމާ، ދެތިން އަހަރު ތެރޭ ބައިނަލްއަގްވާމީ ފުރުސަތުތައް ލިބުން ނިހާޔަތަށް ދަތިވި ކަމަށް ކޯޗު ފާހަގަ ކުރިއެވެ.
"ކުއްލިއަކަށް ބޮޑު ކަމަކަށް އުންމީދުކޮށްގެން ނުވާނެ. މިއީ ޕްރޮސެސްއެއް. މިކަމަށް ވަގުތު ނަގާނެ." ކޯޗު ބުންޏެވެ.
ޤައުމީ ކޯޗު ވަނީ މި ޓީމުގެ ކުޅުންތެރިންގެ ތެރޭ ފެންވަރާއި ޤާބިލްކަން ހުރި ކަމަށް ވިދާޅުވެ، ހުރިހާ ސަޕޯޓަރުންވެސް "ރަން ޖީލުގެ ޓީމު" ކުރިއެރުވުމަށް ދެމިތިބުމަށް ގޮވާލައްވާފަ އެވެ.
