އެމެރިކާ އާއި އިސްރާއީލް ގުޅިގެން އީރާނަށް ދެމުންދާ ހަމަލާތަކުގައި ބައިވެރިނުވާން ސްޕެއިން ނިންމި ނިންމުމަށް، އީރާނުގެ ރައީސް މައްސޫދު ޕެޒެޝްކިއަން ތައުރީފު ކުރައްވައިފިއެވެ.
ހަމަލާތައް ފެށިގެން ދިޔަ ހިސާބުން، އެމެރިކާއިން ވަނީ ސްޕެއިންގެ ދެކުނުގައި ތިބޭ ރޮޓާ އަދި މޮރޮން އަސްކަރީ މަރުކަޒުތައް، އީރާނަށް ހަމަލާ ދިނުމަށް ބޭނުންކުރުމުގެ ހުއްދައަށް އެދިފައެވެ. ނަމަވެސް ސްޕެއިން ސަރުކާރުން ވަނީ އެ ކަމާ ދެކޮޅު ހަދާ، ހަނގުުރާމައިގައި ބައިވެރިނުވާނެ ކަމަށް ސާފުުކޮށް ބުނެފައެވެ. ސްޕެއިންގެ ފަރާތުން ހުުއްދަ ނުލިބުމާ ގުޅިގެން، ތަންތަނަށް ދިޔުމަށް ތައްޔާރުވެ ތިބި އެމެރިކާގެ ގިނަ ބޯޓުތަކެއް ވެސް ވަނީ ދެ ސްޓޭޝަނުން ފުރިފައެވެ.
ރައީސް ޕެޒެޝްކިއަން ވިދާޅުުވީ، ސްޕެއިންގެ ނިންމުމުުން ހުުޅަނގުުގެ ގައުުމުުތަކުުގައި ވެސް އަދިވެސް އަހްލާގީ ހަމަތައް ދިރި ހުރި ކަން ހާމަވެގެން ދިޔަ ކަމަށެވެ. "އެ ކަމަށް ސްޕެއިންގެ އޮފިޝަލުންނަށް ތައުުރީފު ކުރަން" އީރާނުގެ ރައީސް ވިދާޅުުވިއެވެ.
ސްޕެއިންއިން އެމެރިކާ ކޮޅަށް ޖެހި، އީރާނަށް ހަމަލާތައް ނުދޭނެކަން އިއުލާނު ކުރި ހިސާބުން އެމެރިކާގެ ރައީސް، ޑޮނަލްޑް ޓްރަމްޕް ވަނީ ފާޑު ވެސް ކިޔާފައެވެ. ސްޕެއިން ބުނެފައިވަނީ އެތައް މިލިއަން ބައެއްގެ ފުރާނައާއި ކުޅެން ބޭނުން ނުވާ ކަމަށެވެ.
ސްޕެއިނާއެކު އޮތް ވިޔަފާރީގެ ގުޅުން ކަނޑާލަން އެމެރިކާއިން ނިންމުމާއި ގުޅިގެން އެގައުމުން އެމެރިކާއާއެކު އޮތްކަމަށް އެމެރިކާގެ އޮފިޝަލުން ބުނި ނަމަވެސް ސްޕެއިން ސަރުކާރުން ވަނީ އެކަން ދޮގުކޮށް ހަނގުރާމައިގައި ބައިވެރިނުވާނެ ކަމަށް އަނެއްކާ ވެސް ބުނެފައެވެ.
