އީރާނާ ދެކޮޅަށް އެމެރިކާ އާއި އިސްރާއީލް ގުޅިގެން ކުރަމުންދާ ހަނގުރާމައިގެ ހަތަރު ވަނަ ދުވަހުގެ ނިޔަލަށް، އިސްރާއީލުގެ ސިފައިންގެ ތެރެއިން 680 އަށް ވުރެ ގިނަ މީހުން މަރުވެފައިވާ ކަމަށް އީރާނުގެ ރިވޮލިއުޝަނަރީ ގާޑުން ހާމަކޮށްފިއެވެ.

ރިވޮލިއުޝަނަރީ ގާޑުންގެ ވައިގެ ފޯސްތަކުން ވަނީ ފަލަސްތީނުގެ ބިމުން އިސްރާއީލުން ހިފާފައިވާ ސަރަހައްދުތަކުގެ މެދުތެރެ އާއި އުތުރަށް ބޮޑެތި މިސައިލާއި ޑްރޯން ހަމަލާތަކެއް ދީ، ވަރަށް ބޮޑެތި ގެއްލުންތައް ދިފައިވާ ކަމަށް އީރާނުގެ ރިޕޯޓްތައް ބުނެއެވެ.

ހަމަލާ އަމާޒުކޮށްފައި ވަނީ އަސްކަރީ ތަންތަނަށެވެ. އެއީ ޓެލްއަވީވްގައި ހުންނަ އިސްރާއީލު ސިފައިންގެ ޖެނެރަލް ސްޓާފް، ހަކިރިޔާގެ ހަނގުުރާމައިގެ ވުޒާރާ، ބްނޭ ބަރަކްގެ ސްޓްރެޓެޖިކް ވަސީލަތްތައް، ޓެލްއަވީވްގެ އިރުއުތުރުގެ ޕެޓާ ޓިކްވާ ގެ އަސްކަރީ އަމާޒުތައް، އަދި ހުޅަނގު ގަލީލީ ގެ އަސްކަރީ މަރުކަޒެކެވެ.

ހަނގުރާމަ އިތުރަށް ހޫނުވަމުންދާ މި ދަނޑިވަޅުގައި ދެ ފަޅިން ވެސް ގެއްލުުންތަކުގެ ތަފްސީލު ހާމަ ކުުރަމުން ދިޔަ ނަމަވެސް، މިފަދަ ހަނގުރާމައިގެ ތެރޭ ތަފާސް ހިސާބުތަކުގެ ސައްހަ ކަން ވަކިވަކިން ކަށަވަރު ކުުރުމަކީ ދަތި ކަމެކެވެ.