މެދުއިރުމަތީ ހަނގުރާމައިގެ ތެރޭ ހޮރްމުޒް ކަނޑުއޮޅި ބަންދުވުމާ ގުޅިގެން ދުނިޔޭގެ ތެލުގެ ބާޒާރަށް ބޮޑު ލޮޅުމެއް ލިބި، ދިވެހިރާއްޖޭގައި ތެލުގެ އަގު ބޮޑުކޮށްފިއެވެ.
އެސްޓީއޯ ގެ ދަށުން ހިންގާ އެފްއެސްއެމްގެ ތެލުގެ ޝެޑުތަކުގައި، 5 މާރިޗު 2026 ން ފެށިގެން ތެލުގެ އަގަށް ވަނީ ބަދަލު ގެނެވިފައެވެ. ކުރިން 13.50 ރ. ގައި ހުރި ޕެޓްރޯލް ލީޓަރެއް 16.01 ރ. އަށް ބޮޑުވި އިރު، 13.92 ރ. ގައި ހުރި ޑީސަލް ލީޓަރެއް ވަނީ 17.54 ރ. އަށް ބޮޑުވެފައެވެ. ހޯކްސްގެ ތެލުގެ ޝެޑުތަކުގެ އަގު ވެސް ހަމަ ތިލަ ތިލަ ފައިސާ ފޮތިން ވަނީ ބޮޑުކޮށްފައެވެ.
މި ބަދަލުގެ ސަބަބަކީ، ހަނގުރާމަ ހޫނުވެ، ތެލު ސަޕްލައިގެ ތިންބައިކުޅަ ދެ ބަޔަށްވުރެ ގިނަ ތެލު ދަތުރުކުރާ ހޮރްމުޒް ކަނޑުއޮޅި ބަންދުވުމެވެ. ނަތީޖާއެއްގެ ގޮތުން ދުނިޔޭގެ ބާޒާރުގައި ތެލު ފީފާ ދިޔައީ 82 ޑޮލަރަށް ބޮޑުވެ، ދިވެހިރާއްޖެ ވެސް ހިމެނޭ ގޮތަށް ދުނިޔޭގެ ގިނަ ގައުމުތަކަށް ތެލުގެ ތަދުމަޑު ކަމުގެ އިހުސާސް ކުރެވެން ފަށައިފި އެވެ.
ހަނގުރާމައާ ގުޅިގެން ތެލާއި ކާބޯތަކެތީގެ އަގު ކޮންޓްރޯލްކޮށް، ރާއްޖެއަށް ބޭނުންވާ މިންވަރަށް އެ ތަކެތި ލިބޭނެ އިންތިޒާމްތައް ހަމަޖައްސަމުންދާ ކަމަށް ސަރުކާރުން ވަނީ ބުނެފަ އެވެ.
ތެލުުގެ ހަގީގީ ތަދުމަޑު ދިވެހިންނަށް ނުކުރަނީ ސަރުކާރުން ސަބްސިޑީ ދޭ ސަބަބުންނެވެ. ހަމަ ގޮތުން، ތެލު ލިބޭ ގިނަ ބާޒާރުތަކުން ތެލު ހޯދަން ވެސް ދަނީ މަސައްކަތް ކުރެވެމުންނެވެ.
އިކޮނޮމިކް މިނިސްޓަރ މުހައްމަދު ސައީދު ވިދާޅުވީ، ތެލާ ގޭހަށް ރާއްޖެ ނުޖެހޭ ވަރަށް ތެލު ލިބޭ ކަމަށާއި، ރައްޔިތުން ކަންބޮޑު ނުވުުމަށެވެ.
