ގައުމީ ފުޓްބޯޅަ ޓީމްގެ ހެޑް ކޯޗަކަށް ދާދި ފަހުން މަސައްކަތްކުރި ޕްރޯ ލައިސަންސް ކޯޗު، މުހައްމަދު ޝިޔާޒް (މޯހަން) ވިކްޓްރީ ސްޕޯޓްސް ކްލަބްގެ ކޯޗުކަމާ ހަވާލުވެއްޖެ އެވެ.

މޯހަން ވިކްޓްރީއާ ހަވާލުވެފައިވަނީ، ސްލޮވާކިއާގެ ޔުއެފާ ޕްރޯ ލައިސަންސް ކޯޗު ޖޯޖްލީ ގެރީ ކްލަބް ދޫކޮށްލުމާ ގުޅިގެންނެވެ. ޖޯޖްލީ ގެ ކޯޗުކަމުގައި ވިކްޓްރީ ވަނީ ދިވެހި ޕްރިމިއާ ލީގުގެ ހަވަނައިގައި ނިންމައި، ޕްރެޒިޑެންޓްސް ކަޕްގެ ގްރޫޕް ސްޓޭޖުން ކަޓާފައެވެ.

މީޑިއާތަކާ ވާހަކަ ދައްކަމުން މޯހަން ބުނީ، ކްލަބްގެ މެނޭޖްމަންޓުން ވަރުގަދަ ޓީމެއް ގޮވައިގެން ވާދަ ކުރެވޭނެ ކަމުގެ ޔަގީންކަން ދީފައިވާ ކަމަށެވެ. "ވިކްޓްރީއާ އެކު ދެކެވުނު ވާހަކަތަކާ ގުޅިގެން، އުންމީދީ މަސައްކަތެއް ކުރެވިދާނެ ކަމުގެ އިތުބާރު އެބައޮތް،" ކަމަށް ވެސް ވިދާޅުުވިއެވެ.

ތަޖްރިބާ ގިނަ ކޯޗެއްގެ ގޮތުގައި ފެންނަ މޯހަން ވަނީ ވިކްޓްރީގެ ވާދަވެރި ކްލަބް ނިއު ރޭޑިއަންޓާއި، ކްލަބް ވެލެންސިއާ، ކްލަބް އީގަލްސް، މާޒިޔާ، ސަސް ހިމެނޭ ގޮތަށް ފުރަތަމަ ޑިވިޝަންގެ ގިނަ ކްލަބްތަކަށް ކޯޗުކޮށްދީފައެވެ.

ބައިނަލްއަގްވާމީ ފެންވަރުގައި ބަލާނަމަ، 2008 ވަނަ އަހަރު ސާފް ޗެމްޕިއަންޝިޕް ކާމިޔާބުުކުރި ގައުމީ ޓީމުގެ އެސިސްޓަންޓް ކޯޗެއްގެ ދައުރު ވެސް އޭނާ ވަނީ އަދާ ކޮށްފައެވެ. އެންމެ ފަހުން، ސްރީ ލަންކާ ބަލިކޮށް ސައުުތު އޭޝިއަން ސުުޕަ ކަޕް ހޯދި ގައުުމީ ޓީމުގެ ހެޑް ކޯޗަކީ ވެސް މޯހަން އެވެ.