ކައްކާ ގޭސް ލިބުމުގައި ދިމާވި ދަތިތައް ހައްލުކޮށް، ހުރިހާ ސައިޒެއްގެ ގޭސް ފުޅި އާންމުންނަށް ފޯރުކޮށްދިނުން ބަރާބަރަށް ފަށާފައިވާ ކަމަށް މޯލްޑިވް ގޭހުން ހާމަކޮށްފިއެވެ.
މިކަން ހާމަކޮށްދެއްވީ، ކުންފުނީގެ މެނޭޖިންގ ޑިރެކްޓަރ ޢަބްދުﷲ މުޙައްމަދެވެ. ނޫސްވެރިންނަށް މަޢުލޫމާތު ދެއްވަމުން އެމްޑީ ވިދާޅުވީ، ގޭހުގެ ސްޓޮކް ފުރިހަމައަށް އިޔާދަ ވެފައިވާ ކަމަށާއި، ދަތިކަމެއްނެތި ހިދުމަތް ދިނުން ހަމައަށް ކުރިއަށް ދާނެ ކަމަށެވެ.
ދިވެހި ރައްޔިތުންނަށް ހާއްސަ ހިތްހަމަޖެހުމެއް ލިއްބައިދޭ ވާހަކައަކީ، ކުރިއަށް އޮތް ރަމަޟާން މަހުވެސް ގޭސް ލިބުމުގެ ދަތިތަކާ ކުރިމަތިލާންނުޖެހޭނެ ކަމުގެ ޔަޤީންކަން ކުންފުނިން ދިނުމެވެ. "ރޯދަ މަހުވެސް ކައްކާ ގޭސް ކުރިއެކޭ އެއްގޮތަށް، އެއްވެސް ދަތިކަމެއް ނެތި ލިބޭނެ ކަމުގެ ފުރިހަމަ ޔަޤީންކަން ދެން،" ޢަބްދުﷲ ވިދާޅުވިއެވެ.
ރަމަޟާން މަހަކީ ކައްކާ ގޭހަށް ޑިމާންޑް ބޮޑުތަނުން ދިޔާ ހިސާބަށް ދާ ދުވަސްވަރެކެވެ. ހާއްސަކޮށް، ރޭގަނޑު ތައްޔާރުކުރާ ހާއްސަ ކެއުންތަކާ ގުޅިގެން ގޭހުގެ ބޭނުން ގިނަ ގޭ ގޭގައި ބޮޑުުވެގެންދެއެވެ. ސަރުކާރުންވެސް ދަނީ ރޯދަ މަހަށް ތައްޔާރުވުމުުގެ ގޮތުން، ގޭހާއި އެހެނިހެން އަސާސީ ތަކެތި ހުރިހާ ރައްޔިތުންނަށް ލިބޭނެ ގޮތް ކަށަވަރު ކުރުމަށް ގިނަ މަސައްކަތްތަކެއް ކުރަމުންނެވެ.
