ވެލާނާ އިންޓަނޭޝަނަލް އެއާޕޯޓުގެ ޑޮމެސްޓިކް ޓާމިނަލް، ކުރީގެ އިންޓަނޭޝަނަލް ޓާމިނަލަށް ބަދަލުކުރަން ތައްޔާރުވެއްޖެކަމަށް އެމްއޭސީއެލުން ބުނެފިއެވެ.
ބަދަލަށް ބޭނުންވާ މަރާމާތުތަކާއި ތައްޔާރީތައް ނިމިފައިވާ ކަމަށާއި، ޑޮމެސްޓިކް ޓާމިނަލް ބަދަލުކުރަން ހަމަޖެހިފައިވަނީ މާދަމާ ކަމަށް އެމްއޭސީއެލުން ބުންޏެވެ.
ބަދަލާއެކު ކުރިން ޑޮމެސްޓިކް ޓާމިނަލުން ދެމުންދިޔަ ހިދުމަތްތައް ދެން ލިބޭނީ ކުރީގެ އިންޓަނޭޝަނަލް ޓާމިނަލުންނެވެ. ވީއައިއޭގެ އާ އިންޓަނޭޝަނަލް ޓާމިނަލް ހުޅުވާ، ހިދުމަތްތައް ބަދަލުކޮށްފައިވަނީ މިދިޔަ އަހަރުގެ ޖުލައި 26 ގައެވެ.
