ދެކުނު އެފްރިކާގައި ހުންނަ އިސްރާއީލުގެ އެމްބަސަޑަރު 72 ގަޑިއިރު ތެރޭ އެ ޤައުމު ދޫކޮށް ދިޔުމަށް ސައުތު އެފްރިކާގެ ސަރުކާރުން އަންގައިފިއެވެ.
އޭނާ އަށް މިގޮތަށް އަންގާފައި ވަނީ އެ ޤައުމުގައި މީނާ ބޭނުންހާ ގޮތަކަށް، ހިތަށް އެރި ގޮތަކަށް އުޅުމުގެ ފުރުޞަތު ނުދޭން ކަމަށް ވެއެވެ.
ދެކުނު އެފްރިކާގެ ސަރުކާރުން ބުނީ ޔަހޫދީ ޑިޕްލޮމެޓުން ދަނީ ތަކުރާރުކޮށް ޤަވާޢިދާއި ޚިލާފުވަމުން ކަމަށާއި އެހެންކަމުން އަގައުމުގައި އޭނާ ބަހައްޓަން ބޭނުން ނުވާ ކަމަށެވެ.
ފަލަސްޠީނުގެ ޤަތުލުޢާންމާއި ގުޅިގެން މިހާރުވެސް ހައްދުފަހަނަ އެޅި ޔަހޫދީ ޒައިނިސްޓު ދައުލަތާއި ދެކުނު އެފްރިކާ އާއި ދެމެދު އޮތީ ވަރަށް ބޮޑު ނުތަނަވަސްކަމެއް އުފެދިފަ އެވެ. ދެކުނު އެފްރިކާ އިސްވެ އޮވެ ޔަހޫދީ ދައުލަތާ އެގައުމުގެ އިސްވެރިންނާ ދެކޮޅަށް ދުނިޔޭގެ ކޯޓުގައި ދައުވާ އުފުލާފައިވެ އެވެ.
ސައުތު އެފްރިކާއިން އެ ދައުވާތައް ކާމިޔާބުކޮށް ނަތަންޔާހޫ ހައްޔަރުކުރަން އެކޯޓުން ވަނީ އަމުރެއްވެސް ނެރެފައެވެ. އެމެރިކާއާ އިޒްރޭލުން ވަނީ އެކޯޓުގެ އަމުރަށް ގޮންޖަހައި އެ އަމުރަށް ތަބާނުވާނެކަމަށް ބުނެފަ އެވެ.
