މާލޭގައި ވަރަށް މުޑުދާރުކޮށް ހުރި ތަނެއްގައި ރޮށި ފިހެ، ރޮށި ވިއްކުމުގެ މަސައްކަތް ކުރަމުންދިޔަ ބިދޭސީންތަކެއް ހޯދައި އެކަން ހުއްޓުވައިފިއެވެ.
ފުލުހުން މިއަދު ބުނީ، އެއްވެސް ހުއްދައެއް ނެތި، ރޮށި ފިހުމުގެ ވިޔަފާރި ކުރަމުން ދަނިކޮށް ފެނުނީ، ފުލުހުންނާއި އިމިގްރޭޝަނުން އިއްޔެ ހިންގި އޮަރޭޝަނެއްގެ ތެރެއިން ކަމަށެވެ. އެ ވިޔަފާރި ހުއްޓުވައި އެތަނުން 15 ބިދޭސީއަކު ވަނީ އިމިރްޝަނުގެ ބެލުމުގެ ދަށަށް ގެންގޮސްފައެވެ.
ފުލުހުން ބުނީ ރޮށި ފިހުމުގެ އިތުރުން އެތަނުގައި ހުއްދައެއް ނެތި މުދާ ވިއްކުމުގެ ވިޔަފާރިއެއްވެސް އެމީހުން ކުރަމުންދިޔަ ކަަމަށެވެ. މިހާރު އެ ދެތަންވެސް ވަނީ ބަންދު ކޮށްފައެވެ.
