އީދު ހަވީރު ބާއްވާފައިވަނީ ސަޓަން ޕާކުން ފެށިގެން އިސްލާމީ މަރުކަޒުގެ މައިދާނާއި ޖުމްހޫރީ މައިދާނާއި ރަސްމީ ބޮޑު ފާލަމުގެ ސަރަހައްދުގަ އެވެ.  އެމްއެންޑީއެފުން އިސްވެ ކުރިއަށް ގެންދިޔަ އެ ހަރަކާތުގައި ފުލުހުންނާއި ސަރުކާރުގެ އެކި ކުންފުނިތަކުން ވެސް އެކި ހަރަކާތްތައް އެ ސަރަަހައްދުގައި ކުރިއަށް ގެންދިޔަ އެވެ.

އީދު ދުވަހުގެ މުނާސަބަތުގައި ބޭއްވި އީދު ހަވީރުގައި ސިފައިން ތަމްރީންތަކުގައި ކުރިއަށް ގެންދާ ހަރަކާތެއްގައި ކުޑަކުއްޖު ބައިވެރިވަނީ — ފޮޓޯ: ފަޔާޒު މޫސާ | މިހާރު

އެމްއެންޑީއެފުން ބުނީ މިއަދާއި މާދަމާ ހަވީރު 4:00 އިން 6:00 އާ ހަމައަށް އެ ހަރަކާތްތައް ކުރިއަށް ގެންދާނެ ކަމަށެވެ.

ގިނަ ބަޔަކު އެ ހަރަކާތްތަކުގައި ބައިވެރިވުމަށް އިއްޔެ އެ ސަރަހައްދަށް ޖަމާވި އެވެ. ރައީސް ޑރ. މުހައްމަދު މުއިއްޒާއި އަނބިކަނބަލުން ސާޖިދާ މުހައްމަދު ވެސް ވަނީ އެ ސަރަހައްދަށް ވަޑައިގެން އާއިލާތަކާ ސަލާމް ކުރައްވައިފަ އެވެ.