މިދިޔަ އަހަރު ޖުމުލަ 19.2 މިލިއަން ރުފިޔާގެ އަގުހުރި އެއްޗެހި ހޯދައިފައިވާކަމަށް ފުލުހުން ބުނެފިއެވެ.
މިއަދު ފުލުހުން އެކްސް ގައި ކުރި ޓްވީޓެއްގައި ބުނެފައިވަނީ މިދިޔަ އަހަރު ޖުމްލަ 19.2 މިލިއަން ރުފިޔާގެ އަގުހުރި ތަކެތި ފުލުހުން ހޯދައިފައިވާކަމަށާއި, އޭގެތެރެއިން 11 މިލިއަނަށް ވުރެ ގިނަ ރުފިޔާގެ އަގުހުރި ސައިކަލު ހިމެނޭ ކަމަށް ފުލުހުން ވަނީ ބުނެފައެވެ.
ފުލުހުން ބުނެފައިވަނީ މާލެ ސަރަހައްދުގައި ޓްރެފިކް ހޭލުންތެރިކުރުމުގެ ގިނަ ޕްރޮގަރާމްތަކެއް ބާއްވައިފައިވާ ކަމަށެވެ. އެގޮތުން މިދިޔަ އަހަރު އެންމެ ގިނަ ޕްރޮގަރާމް ހިންގައިފައި ވަނީ ސްކޫލު ދަރިވަރުންނަށެވެ. އާންމުންނަށް ހާއްސަކޮށް 183 ޕްރޮގްރާމް ހިންގައިފައިވާއިރު އެ ޕްރޮގްރާމްތަކުގެ ޒަރިއްޔާއިން 35,000އަށް ވުރެ މީހުންނަށް ވަނީ މައުލޫމާތު ފޯރުކޮށްދީފައެވެ.
މިދިޔަ އަހަރު އެންމެ ގިނައީ ވައްކަމުގެ މައްސަލަތަކެވެ. އެގޮތުން 73,000އަށް ވުރެ ގިނަ މައްސަލަ ފުލުހަށް ހުށައެޅިއެެވެ. އަދި 2000އަށް ވުރެ ގިނަ އެކްސިޑެންޓުވެގެން މާލެ ސަރަހައްދުން ރިޕޯޓުކޮށްފައިވެއެވެ.
