މާފަންނު ޕޮލިސް ސްޓޭޝަންގެ ނަން ބޯޑަށް މިއަދު ގެއްލުން ދީފި އެވެ.
ފުލުހުންގެ މީޑިއާ އޮފިޝަލް ވިދާޅުވީ އެ ހާދިސާ ހިނގާފައިވަނީ ހަވީރު 6 ޖެހިހާއިރު ކަމަށެވެ.
އެ މައްސަލައާ ގުޅިގެން ފުލުހުންގެ ބެލުމުގެ ދަށަށް ގެންދިޔައީ ދިވެހި ފިރިހެނެކެވެ. އެ މީހާގެ ވަނަވަރެއް ފުލުހުން ހާމައެއް ނުކުރެ އެވެ.
އަދި އެއީ ކިހިނެއް ހިނގިކަމެއްވެސް ފުލުހުން ނުބުނެ އެވެ.
މަންޒަރު ދުށް މީހަކު ބުނީ، ޕޮލިސް ސްޓޭޝަންގެ ނަން ބޯޑަށް ގެއްލުން ދިނީ އެ ސަރަހައްދުގައި ހުންނަ ބަސް ސްޓޮޕަށް، ބަހުން ފޭބި މީހަކު ކަމަށެވެ.
އެ މައްސަލަ ބަލަމުންދާ ކަމަށް ފުލުހުން ބުންޏެވެ.
