ބޮލީވުޑްގެ މަޝްހޫރު ތަރި، ސައިފް އަލީ ޚާނަށް ވަޅިން ހަމަލާދީ ޒަޚަމްކޮށްލި ވަގު ވަނީ ސައިފްގެ ކަރަށް ވެސް ވަޅިން ހަމަލާދީފައިކަން ހާމަވެއްޖެ އެވެ.

ސައިފަށް ހަމަލާދީފައިވަނީ ޖެނުއަރީ 15 ދުވަހުގެ ރޭ ދަންވަރު އޭނާއާއި އަނބިމީހާ، ކަރީނާ ކަޕޫރު ދިރިއުޅޭ ގެއަށް ވައްކަން ކުރަން ވަތް ވަގެކެވެ. ވެ. މި ހަމަލާގައި ސައިފަށް ލިބުނު އަނިޔާތަކާ ގުޅިގެން ފަރުވާ ދީފައި ވެއެވެ. މިގޮތުން އޭނާގެ ހަށިގަނޑަށް ހަ ފަހަރު ވަޅި ހަރާފައިވާއިރު، ފުން ޒަހަމެއްވެސް ހުއްޓެެވެ.

މި މައްސަލަ ތަހުގީގުކުރާ އިންޑިއާގެ ފުލުހުންގެ ޓީމުން ބުނެފައިވަނީ ސައިފްގެ ހަށިގަނޑުގެ ހަ ތަނަކަށް ވަޅިން ހަމަލާދީފައިވާ ކަމަށެވެ. އިންޑިއާ ފުލުހުން ބުނީ ސައިފުގެ ބުރަކަށީގައި ވަރަށް ފުން ޒަހަމެއް ހުރި ކަމަށެވެ. އަދި އޭނާގެ ކަރަށް ވެސް ވަޅިން ހަމަލާދީފައިވާ ކަމަށެވެ. ކަރާއި ބުރަކަށީގެ އިތުރުން އެހެން ތަންތަނަށް ވެސް ހަމަލާދީފައިވާ ކަމަށް އިންޑިއާގެ ފުލުހުން ބުންޏެވެ.

މި މައްްސަލައާ ގުޅިގެން މީހަކު ހައްޔަރުކޮށްފައި ވަނީ ޗައްޓިސްގަރްހް އިންނެވެ. ސަންދީޕް ނަމަކަށް ކިޔާ މި މީހާ ހައްޔަރުކޮށްފައި ވަނީ ދުރްގް ރޭލްވޭ ސްޓޭޝަނުންނެވެ.

އެކަން މިހާރު މުމްބާއީ ފުލުހުންނަށް ވަނީ ހާމަކޮށްފަ އެވެ.

ސައިފް އާއި އޭނާގެ އަންހެނުން އަދި ބޮލީވުޑުގެ މަޝްހޫރު އެކްޓްރެސް ކަރީނާ ކަޕޫރު ޚާން ދިރިއުޅެނީ، މުމްބާއީގެ އެންމެ އަގުބޮޑު އެއް ސަރަހައްދުކަމުގައިވާ ބަންޑްރާ ވެސްޓުގައި ހުންނަ 12 ބުރީގެ އިމާރާތެއްގެ ތެރެއިން، ހަތަރު ބުރީގައެވެ. އެތަނުގައި އެމީހުންނާއެކު، އެމީހުންގެ ކަންކަން ބަލަހައްޓާ މުވައްޒަފުންވެސް އުޅެއެވެ.

މުމްބާއީގެ ފުލުހުން ބުނެފައިވަނީ ވައްކަން ކުރަން ވަނީ ޖެހިގެން ހުރި އިމާރާތުގެ ތެރެއިން ލާފައިކަމަށެވެ. އަދި ސީސީޓީވީ ކެމެރާތަކަށް ވަގުންގެ މަންޒަރުތައް އަރާފައިވާކަމަށެވެ. އެހެންނަމަވެސް، އަބަދުވެސް ސެކިއުރިޓީ ބަލަހައްޓާ މި އިމާރާތުގެ ރައްކާތެރިކަމާ ބެހޭގޮތުން އެތައް ބަޔަކު އަންނަނީ ސުވާލުކުރަމުންނެވެ.