ދިވެހިރާއްޖެއަކީ އަބަދުވެސް ދުނިޔޭގެ ބާރު ތަކުގެ ވާދަވެރި ކަމުގައި ހަމަލާތައް ރައްދުވާ އަދި އެ ހަމަލާތައް ރޫޅާލައި އެ ހަމަލާ ތަކުން ސަލާމަތް ވެގަންނަ ބަޔަކު އުޅޭ ގައުމެއް ކަމުގައި ރައީސުލްޖުމްހޫރިއްޔާ ޑރ. މުޙަންމަދު މުއިއްޒު ވިދާޅުވެއްޖެއެވެ.
ރައީސުލްޖުމްހޫރިއްޔާ މިހެން ވިދާޅުވީ މިއަދު ދަރުބާރުގޭގައި ބޭއްވެވި ޤައުމީ ދުވަހުގެ ރަސްމީ ޖަލްސާގައި ވާހަކަފުޅު ދައްކަވަމުން، ދިވެހީން އަޅުވެތި ކުރުމަށް ޕޯޗުގީޒުން ފޮނުވި ލަޝްކަރާ ދެކޮޅަށް ދިވެހީން ތެދުވެ، އެ މީހުން ބަލިކޮށް، އަލުން މިނިވަންކަން ހޯދައިގަތްގޮތުގެ މައްޗަށް އަލުއަޅުވާ ލައްވައި ދެއްކެވި ވާހަކަފުޅުގައެވެ. ރައީސް ވިދާޅުވީ، ދިވެހި ކާބަފައިންނަކީ މި ޤައުމުގެ ދިފާޢުގައި ހުރިހައި މާނައެއްގައި ހުރިހައި ޒަމާނެއްގައި މަސައްކަތްކުރި ބައެއް ކަމަށާއި ދިވެހި ތަރިކަތައް ހެކިދެނީ އެގޮތަށް ކަމަށެވެ.
ދިވެހީންނަކީ އަބަދުވެސް މިނިވަން ކަމުގެ ބަޠަލުންކަން ފާހަގަ ކުރައްވައި، ރައީސްގެ މުޅި ސިޔާސަތު ބިނާ ކުރައްވާފައި ވަނީވެސް މި އަސާސުގެ މައްޗަށް ކަމުގައި ވިދާޅުވިއެވެ. ރައީސް ވިދާޅުވީ ރާއްޖޭގައި ބޭރުގެ ސިފައިން މިހާރު ޤާއިމުވެ ނެތުމުގެ ސަބަބަކީވެސް އެއީ ކަމުގައެވެ. އަދި އެންމެ ޒަމާނީ ޓެކްނޯލޮޖީ ބޭނުން ކޮށްގެން ރާއްޖޭގެ ސަރަޙައްދު ބަލަހައްޓަމުން ގެންދިއުމާއި ދިވެހި ޤައުމިއްޔަތުގެ ޚާއްޞަ ނިޒާމެއް ތަޢާރަފު ކުރެވި ދާއިރާގެ ތަޢުލީމާ ހޭލުންތެރި ކުރުމުގެ މަސައްކަތްތައް ކުރިޔަށް ގެންދަވަނީ ވެސް އެ ބޭނުމުގައި ކަމުގައި ރައީސް ވިދާޅުވިއެވެ.
ދިވެހި މަސްކަނޑުތައް ދިވެހީން ޒަމާނުއްސުރެ ސަލާމަތްކުރާ ޠަބީޢީ ސިއްރަކީ ބަނޑުފުރާނަ މުއްތިކުރާ މައި ރޯއްޖަކީ އެ ކަނޑުތަކުން ލިބޭ ރިޒުޤު ކަމުގައި ވުންކަން ރައީސް ފާހަގަ ކުރެއްވިއެވެ. އެހެން ކަމުން ޤައުމަށް ވަފާތެރި ދަރީން ބިނާކުރުމަށްޓަކައި މަސައްކަތްތެރި ޖީލު ތަކެއް ބިނާކުރަން ޖެހޭކަމަށާ އަދި ދިވެހީންގެ މަސްކަނޑާއި ފަސްގަނޑާއި އިހުއްސުރެ ގުޅިފައިވާ ގޮތަށް އަންނަން އޮތް ތާނގައިވެސް ގުޅިފައި އޮންނަން ޖެހޭކަން ރައީސް ފާހަގަ ކުރެއްވިއެވެ.
