‎ކޮންމެ އަހަރަކު ‎ރާއްޖެއިން މަރުވާ މީހުންގެ %17އަކީ ކެންސަރު ބަލީގައި މަރުވާ މީހުންކަމަށްް ތަފާސް ހިސާބުތަކުން ދައްކައިފިއެވެ.

‎ކޮންމެ އަހަރެއްގެ ފެބްރުއަރީ މަހުގެ 4 ވަަނަ ދުވަހު ފާހަގަކުރާ ދުނިޔޭގެ ކެންސަރު ބަލީގެ ދުވަހާ ގުޅިގެން ރާއްޖޭގެ ހެލްތު މިނިސްޓްރީީން ވަނީ ރާއްޖޭގައިި ކެެންސަރުު ބަލީގެ ޙާލަތު އޮތް މިންވަރާއި އެއާ ގުޅޭ މުހިންމު މަޢުލޫމާތުތަކެއް ހާމަކުރައްވާފައެވެ. މުޅި ދުނިޔޭގައި ތަފާސް ހިސާބަށް ބަލާއިރު އަހަރަކު 17 މިލިޔަނަށްވުރެ ގިނަ މީހުންނަށް ކެންސަރު ޖެހިގެން ރިޕޯޓްކުރެއެވެ. އަދި 2040 ވަނަ އަހަރާހަމައަށް ދާއިރު މި އަދަދު 27 މިލިޔަނަށް އަރާނެކަމަށް ދުނިޔޭގެ ސިއްހަތު ޖަމްޢިއްޔާއިން ރިޕޯޓުކުރެއެވެ.

ހެލްތު މިނިސްޓްރީން ހާމަކުރައްވާފައިވާ، ރާއްޖޭގެ ތަފާސްހިސާބުތަކަށް ބަލާއިރު، ރާއްޖޭގައި އެކި ބަލިބަލީގައި މަރުވާ މީހުންގެ ނިސްބަތަށ ބަލާއިރު %84 މީހުންނަކީ ކެންސަރުފަދަ ގައިންގަޔަށް ނާރާ ބަލިތަކުގައި މަރުވާ މީހުންނެވެ.

ރާއްޖޭގައި އިތުރުވަމުންދާ ބަލިތަކުގެ ޙާލަތާ ގުޅޭގޮތުން 2020ވަނަ އަހަރު ދުނިޔެގޭ ސިއްޙަތު ޖަމިއްޔާ ޑަބްލިއުއެޗްއޯއިން ކުރި ދިރާސާ ދައްކާގޮތުން ރާއްޖޭގައި އަހަރަކު މަރުވާ މީހުންގެ %17އަކީ ކެންސަރުގައި މަރުވާ މީހުންނެވެ. އާސަންދައިގެ ތަފާސްހިސާބުތަކަށް ބަލާއިރު 2016އިން 2019އަށް، 7500އަށްވުރެ ގިނަ މީހުން ކެންސަރަށް ފަރުވާ ހޯދާފައިވެއެވެ.