ކުރިއަށް އޮތް ރިޔާސީ އިންތިޚާބުގައި އެމްޑީޕީއަށް ކާމިޔާބު ހޯދޭނީ ތަފާތު ފިކުރުގެ ލީޑަރުންނާއެކު ކޯލިޝަން ހެދުމުގެ ޤާބިލްކަން ހުރި ލީޑަރަކަށް އެމްޑީޕީގެ ރިޔާސީ ޓިކެޓު ލިބިގެންކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހީމް ޝަރީފް (މަވޯޓާ) ވިދާޅުވެއްޖެއެވެ.
ރައީސް އިބްރާހީމް މުޙައްމަދު ޞާލިޙަށް ތާޢީދުކުރައްވާ މަވޯޓާ ކުރެއްވި ޓްވިޓެއްގައި ވިދާޅުވެފައިވަނީ އެމްޑީޕީއަށް ރިޔާސީ އިންތިޚާބު ކާމިޔާބުކުރެވެން އޮތީ ތަފާތު ފިކުރުގެ ސިޔާސީ ލީޑަރުންނާއެކު ކޯލިޝަން ހަދަން ޖެހުނަސް އެކަން ކުރެވޭނެ ބޭފުޅަކަށް އެޕާޓީގެ ޕްރައިމެރީ ކާމިޔާބު ވެގެންކަމަށެވެ. އެހެންނޫނީ އަނެއްކާވެސް އެމްޑީޕީ ކުރިއަށް އޮތް 5 އަހަރު މަގުމަތިވެގެންދާނެކަމަށް މަވޯޓާ ވިދާޅުވިއެވެ.
MDP ah riyaasee inthikhaabu kaamiyaabu kureven othee thafaathu fikuru siyaasee leaderun naa eku coalition hadhan jehusas ekan kurevveyne beyfulhakah primary kaamiyaabu vegen. Ehen noonee anekkaaves MDP kuriyah oi 5 aharu magumathi vaane
— Ibrahim Shareef (@AdduShareef) January 14, 2023
ރައީސް އިބްރާހީމް މުޙައްމަދު ޞާލިޙަކީ މިހާތަނަށް ކޯލިޝަނަކާއެކު އެންމެ ގިނަދުވަހު ވެރިކަންކުރެއްވި ރައީސެވެ. ގިނަޕާޓީ އެކުލެވޭ ނިޒާމަކުން ރާއްޖޭގެ ވެރިކަން ކުރަންފެށިފަހުން ކޮންމެ ރައީސަކުވެސް ވެރިކަމަށް ވަޑައިގަތީ ކޯލިޝަނަކުންނެވެ. އެހެންނަމަވެސް ރައީސް ޞާލިޙް ފިޔަވައި އެހެން ކޮންމެ ރައީސަކުވެސް ވެރިކަމުގެ ވަރަށްކުރީކުޅު ކޯލިޝަން ރޫޅާލައެވެ. ކޯލުޝަންގެ ތެރޭގައި ހުންނަ ޚިޔާލުތަދފާތުވުންތަކާއެކު، އެކުގައި މާގިނަ ދުވަހަކު މަސައްކަތެއް ނުކުރެވެއެވެ.
ރައީސް އިބްރާހީމް މުޙައްމަދު ޞާލިޙް ވެރިކަމަށް ވަޑައިގަތުމަށް ހެއްދެވި ކޯލިޝަން އަދިވެސް އޮތީ އޮތްގޮތަށެވެ. ޚިޔާތު ތަފާތުވުންތަކާއެކުވެސް ކޯލިޝަންގެ ޕާޓީތަކާއެކު އެމަނިކުފާނު ވަޑައިގަތީ ކުރިއަށެވެ. އެހެންކަމުން ކުރިއަށް އޮތް ރިޔާސީ އިންތިޚާބުގައި އެމްޑީޕީއަށް އޮތް ޗޮއިސްއަކީ ރައީސް ޞާލިހްކަމަށް އެމަނިކުފާނަށް ތާޢީދުކުރާ މީހުން ބުނެއެވެ.
