ރާއްޖޭގައި ހަރަކާތްތެރިވާ ސިޔާސީ ޕާޓީތަކުން ކާމިޔާބު ޕާޓީއަކަށް ވާން އެދޭނަމަ ޕީޕީއެމް އިން ދައްކާ ރިވެތި ޤައުމީ އަދި އިސްލާމީ ނަމޫނާގައި ހިފަންޖެހޭ ކަމުގައި ދީނީ އިލްމުވެރިޔާ، އަދި ކުރީގެ އިސްލާމިކް މިނިސްޓަރ ޑރ.މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ޕީޕީއެމްއަށް ކުރީގެ ދެ މެމްބަރަކާއި، ކުރީގެ ވަޒީރު މަލީހު ސޮއިކުރުމަށް ބޭއްވިރަސްމިއްޔާތަށް އިޝަރާތް ކުރައްވައި ޑރ.ޝަހީމް ކުރެއްވި ޓްވީޓްގައި ވިދާޅުވީ ސިޔާސީ ގޮތުން ކާމިޔާބުވާނީ، އިސްލާމްދީނާއި، ދިވެހިންގެ ރިވެހި އަޚުލާގުގައި ހިފައި އެގޮތަށް ކުރިއަށްދާ ޕާޓީއަކަށް ކަމުގައެވެ. ރާއްޖޭގައި އެމަގުން މަސައްކަތް ކުރާތަން ފެންނަނީ ހަމައެކަނި ޕީޕީއެމްއިން ކަމަށާއި، ޕީޕީއެމްއިން ދައްކަމުންދާ މި ނަމޫނާގައި ހިފައި އެހެން ހުރިހާ ޕާޓީއަކުން މިގޮތަށް މަސައްކަތް ކުރެވޭތޯ ބަލަންޖެހޭ ކަމުގައި ޑރ.ޝަހީމް ވިދާޅުވިއެވެ.
ޕީޕީއެމްއިން އަބަދުވެސް ދައްކަމުންދަނީ ޕާޓީގެ ލީޑަރޝިޕަކީ ހަރުދަނާ ފުދުންތެރި ބައެއް ކަމަށާއި، އަބަދުވެސް ޕީޕީއެމްއިން ކަންކަމުގައި ނިންމާ ނިންމުންތައް ބިނާވެފައިވަނީ ޤައުމީ މަސްލަހަތަށް ކަމަށް ޝަހީމް ވިދާޅުވިއެވެ.
ކޮންމެ ޕާޓީއެއްވެސް ކާމިޔާބު ވާން އެދޭނަމަ ޕީޕީއެމް އިން ދައްކާ ރިވެތި ޤައުމީ އަދި އިސްލާމީ ނަމޫނާގައި ހިފަންޖެހޭ. ޕީޕީއެމްއިން އެ ދައްކައިދެނީ ލީޑަރޝިޕްގެ ހަރުދަނާ ކަމާއި ފުދުންތެރިކަން. ޤައުމީ މަސްލަހަތު އިސްކޮށް ފިކުރީގޮތުން އެއްގޮތް ވިސްނުމުގެ ސަފުތައް ބަދަހިވާންޖެހޭ.
– ޑރ.ޝަހީމް ވިދާޅުވިއެވެ.
Komme party eh ves kaamiyaabu vaan edhey nama PPM mi dhakkaa rivethi Qaumee adhi Islami namoonaa ga hifan jehey. PPM in e dhakkaadhenee leadership ge harudhanaa kamaai fudhuntherikan. Qaumee Maslahathu iskoh fikuree gothun eh goy visnumuge safuthah badhahivaan jehey. https://t.co/wQiJE4duwf
— Mohamed Shaheem Ali Saeed (@Mohamedshaheem1) July 20, 2021
ވެރިކަން ކުރާ މައިޕާޓީ އެމްޑީޕީ ތެރޭގައި ބޮޑެތި ބައިބައިވުންތަކެއް އުފެދިފައިވާ މިހާލަތުގައި، އިދިކޮޅު ޕްރޮގްރެސިވް ކޯލިޝަނަށް ތާއީދު ކުރާމީހުން ގިނަވެ، ސިޔާސީ މަސްރަހުގައި ފާހަގަކޮށްލެވޭ ބޭފުޅުން ދަނީ ޕީޕީއެމްއާއި ގުޅެމުންނެވެ.
