ޔޫއޭއީގެ ރަސްމީ އިދާރާ ތަކުން ހާމަކޮށްފައިވާ ތަފާސްހިސާބު ތަކަށް ބަލާއިރު، ވޭތުވެދިޔަ ދުވަސްތަކުގައި އެ ގައުމުގެ ދިފާއީ ނިޒާމުން ވަނީ ދުޝްމަނުންގެ ގިނަ ހަމަލާތަކެއް ވައިގެ ތެރޭގައި ހުއްޓުވާފައެވެ.
ދިފާއީ ބާރުތަކުން އިންޓަސެޕްޓްކޮށް، ނައްތާލާފައިވާ ހަމަލާތަކުގެ ތެރޭގައި ހިމެނެނީ:
278 ބެލިސްޓިކް މިސައިލް: އަމާޒަށް ވާސިލުވުމުގެ ކުރިން ވައިގެ ތެރޭގައި ގޮއްވާލާފައިވެއެވެ.
15 ކްރޫޒް މިސައިލް: މި ނުރައްކާތެރި މިސައިލްތައް ވެސް ވަނީ ދިފާއީ ނިޒާމުން ހުއްޓުވާފައެވެ.
1,540 ޑްރޯން: ގޮވާތަކެއްޗާއެކު ފޮނުވާލި ގިނަ އަދަދެއްގެ ޑްރޯންތައް ވަނީ ވައިގެ ތެރޭގައި ނައްތާލާފައެވެ.
މި ހަމަލާތަކުގެ ބޮޑުބައެއް ދިފާއީ ބާރުތަކުން ނާކާމިޔާބުކޮށްލި ނަމަވެސް، ބައެއް ހަމަލާތަކުގެ ސަބަބުން ހިތާމަވެރި ގެއްލުންތަކެއް ވަނީ ލިބިފައެވެ. އެގޮތުން:
މި ހަމަލާތަކުގައި މިހާތަނަށް 6 މީހުން ވަނީ މަރުވެފައެވެ.
އިތުރު 131 މީހުންނަށް އެކި ވަރުގެ އަނިޔާތައް ލިބިގެން ފަރުވާ ދީފައިވެއެވެ.
ޔޫއޭއީ އިން އަންނަނީ އެ ގައުމުގެ އާންމު ރައްޔިތުންނާއި މުދާ ރައްކާތެރިކުރުމަށްޓަކައި އެންމެ ފަހުގެ ޓެކްނޮލޮޖީގެ ދިފާއީ ނިޒާމުތައް ބޭނުންކުރަމުންނެވެ. މިފަދަ ހަމަލާތަކާ ގުޅިގެން ސަރަހައްދީ ސަލާމަތާއި ރައްކާތެރިކަން ކަށަވަރުކުރުމަށް ބައިނަލްއަގުވާމީ މުޖުތަމައުން އަންނަނީ ގޮވާލަމުންނެވެ.
