އީރާނުގެ "އެސެމްބްލީ އޮފް އެކްސްޕާޓްސް" އިން، ޤައުމުގެ އެންމެ މަތީ ލީޑަރު ކަމަށް، ޚާމަނާއީގެ ދަރިކަލުން، މުޖުތަބާ ޚާމަނާއީ، ހޮވާފައިވާ ކަމަށް ރިޕޯޓްތައް ބުނެފިއެވެ.

މި ނިންމުން ނިންމީ، ރިވޮލިއުޝަނަރީ ގާޑްސް (އައި.އާރ.ޖީ.ސީ) ގެ ބޮޑެތި ފިއްތުންތަކާ ނުފޫޒާ ގުޅިގެން ކަމަށް، ތެހެރާންގެ ސިޔާސީ ދާއިރާ ގާތުން ދިރާސާ ކުރާ "އީރާން އިންޓަނޭޝަނަލް" ނޫހުން ރިޕޯޓް ކޮށްފައިވެއެވެ. "އީރާން އިންޓަނޭޝަނަލް" ނޫހަކީ، ތެހެރާންގެ އިދިކޮޅު ފަރާތްތަކާ ގުޅުން އޮންނަ ނޫހެކެވެ.

އީރާނުގެ "ފާރިސް ނިއުސް" އިން ހާމަ ކުރި ގޮތުގައި، 88 މެންބަރުންގެ "އެސެމްބްލީ އޮފް އެކްސްޕާޓްސް" ވަނީ ވާޗުއަލްކޮށް ބައްދަލުކޮށް، އާ ލީޑަރު ހޮވުުމުގެ ކަންކަން ކުރިއަށް ގެންގޮސްފައެވެ. ސީއެންއެންއިން ވެސް ވަނީ މި ބައްދަލުވުުން ބޭއްވިކަން ކަށަވަރު ކޮށްދީފައެވެ.

ޖަލްސާ ބޭއްވުމަށް ހަމަ ޖެހިފައި އޮތް ގޮމްގެ ޢިމާރާތަށް، ކުރިން، އެމެރިކާ އާ އިސްރާއީލު ގުޅިގެން ހަމަލަ ދިންނަމަވެސް، ހަމަލާ ދިން ވަގުތު ޢިމާރާތުގައި ޖަލްސާ ބާއްވާފައި ނުވާ ކަމަށް "ފާރިސް ނިއުސް" އިން ބުނެފައިވެއެވެ.

ނަމަވެސް، ހަމަލަތަކުގެ ގެއްލުންތައް ދިރާސާ ކުރަމުންދާ ކަމަށް، އިސްރާއީލުގެ އަސްކަރިއްޔާ ވަނީ ބުނެފައެވެ.

ރޮއިޓަރސް އިން ސިފަ ކުރާ ގޮތުގައި، މުޖުތަބާ ޚާމަނާއީ އަކީ، ބައްޕަ ފަދައިން، ހަރުކަށި ކޮންސަވޭޓިވް ފިކުރުގެ ބޭފުޅެއް ކަމަށާއި، ސަރުކާރާ ދެކޮޅު ފަރާތްތަކާ ބޭރުގެ ދުޝްމަނުންނާ ދެކޮޅަށް، ހަރުކަށި ސިޔާސަތުތަކަށް، ފާޅުގައި ތާއީދު ކުރެއްވި ބޭފުޅެއް ކަމަށެވެ. ސަރުކާރުގެ ރަސްމީ ދައުރެއް ނެތް ނަމަވެސް، ޤުދުސް ފޯސްއާ ގާތް ގުޅުުމެއް ބާއްވަވައި، ފަހަތުން ބޮޑު ނުފޫޒެއް ހިންގަވާ ބޭފުޅެއް ކަމަށް ގިނަ ފަރާތްތަކުން ދެކެއެވެ. އެމެރިކާ ވަނީ 2019 ވަނަ އަހަރު، އޭނާގެ މައްޗަށް ދަތިކުރުމުގެ ފިޔަވަޅު އަޅާފައެވެ.

ސީއެންއެން އިން ފާހަގަ ކުރި ގޮތުގައި، ބައްޕަގެ ފާރާތުން ދަރިކަލުންނަށް ބާރުތައް ބަދަލު ވުުމަކީ، ހެދި ބޮޑުވި އިރާންގެ ޝިއާ ދީނީ ހަމަތަކާ ފުށު އަރާ ކަމެއް ކަމަށް ގިނަ ބަޔަކު ދެކި، ބަލައި ނުގަނެދާނެ ކަމެކެވެ.