ކްރިސްޓިއާނޯ ރޮނާލްޑޯ އާއިލާ ގޮވައިގެން ސައުދީ އަރަބިއްޔާ ދޫކޮށް ސްޕެއިންގެ މެޑްރިޑަށް ފުރި ކަމަށް ބައިނަލްއަގުވާމީ ބައެއް މީޑިއާތަކުން ފަތުރަމުން ދިޔަ ހަބަރަކީ ދޮގު ހަބަރެއް ކަން ކަށަވަރު ވެއްޖެއެވެ.
އޭރު ދެކެވުނު ވާހަކައިގެ ހަގީގަތް ހާމަކޮށް ކުޅިވަރު ނޫސްވެރިޔާ ފަބްރީޒިއޯ ރޮމާނޯ ބުނެފައިވަނީ، ރޮނާލްޑޯ މިހާރު ހުރީ ސައުދީ އަރަބިއްޔާގައި ކަމަށާއި، އެންމެ ފަހު މެޗުގައި ދިމާވި އަނިޔާއަކާއި ގުޅިގެން، އަލް ނަސްރުގެ ޓްރެއިނިން ގްރައުންޑްގައި ފަރުވާ ހޯދަމުން ގެންދާ ކަމަށެވެ.
ރޮނާލްޑޯ ސައުދީ ދޫކޮށް، މެޑްރިޑަށް ދިޔަ ކަމަށް ބުނާ ވާހަކަ އޭނާ ދޮގުކޮށްފައި ވެއެވެ.
ބައެއް ނޫސްތަކުން އޭރު ރިޕޯޓުކޮށްފައިވާ ގޮތުގައި ސައުދީގަ ހުންނަ އެމެރިކާގެ އެމްބަސީއަށް ހަމަލާ އަމާޒުވުމާއި ގުޅިގެން ސައުދީގައި ރައްކާތެރިކަން ނެތްކަމަށް ބަލައި، ރޮނާލްޑޯ އޭނަގެ ލޯބިވެރިޔާއާއި ކުދިން ގޮވައިގެން ސައުދީ ދޫކޮށް ސްޕެއިންގެ މެޑްރިޑަށް ބަދަލުވެފައި ވެއެވެ.
