އެކަން އިފްތިތާހުކުރީ ރައީސް ޑރ. މުހައްމަދު މުއިއްޒު މެލޭޝިޔާއަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން މިއަދު އެ ގައުމުގައި ދިރިއުޅޭ ދިވެހީންނާ ބައްދަލުކުރެއްވުމަށް ބޭއްވި ހާއްސަ ރަސްމިއްޔާތުގެ ތެރެއިން އެވެ.

އެގޮތުން މިއަދު ބޭއްވި ރަސްމިއްޔާތުގައި ވަނީ ޕާސްޕޯޓް ހެއްދި 18 އަހަރު ނުވާ ކުއްޖަކަށާއި އަދި އައިޑީކާޑު ހެއްދި މީހަކަށް އެ ތަކެތި ހަވާލުކޮށްފަ އެވެ.

އެ ތަކެތި ހަވާލުކޮށްދެއްވީ ހޯމް މިނިސްޓަރު އަލީ އިހުސާން އެވެ.

އައިޑީ ކާޑާއި ޕާސްޕޯޓް ދޫކުރުމުގެ ހިދުމަތް މިއަދު އިފްތިތާހުކުރި ނަމަވެސް އެ ހިދުމަތް އާންމުކޮށް ލިބެން ފަށާނީ މާދަމާ އެވެ.

މެލޭޝިއާގައި ޕާސްޕޯޓްއާއި އައިޑީކާޑު ދޫކުރަން ފެށިއިރު ހޯމް މިނިސްޓްރީން މި މަހު ބުނި ގޮތުގައި ދިވެހީން އާންމުކޮށް ގޮސްއުޅޭ  ސްރީލަންކާއާއި، އިންޑިއާގެ އިތުރުން އިނގިރޭސިވިލާތުގައި  ވެސް އައިޑީ ކާޑު ދޫކުރުމަށް މިހާރު ދަނީ ތައްޔާރުވަމުންނެވެ.

މީގެ ކުރިން ވެސް ރާއްޖޭގައި ޕާސްޕޯޓް ހެއްދުމަށް ފަހު މެލޭޝިޔާ އެމްބަސީ މެދުވެރިކޮށް ޕާސްޕޯޓް ލިބެ އެވެ.