މިއަހަރުގެ މިހާތަނަށް ރާއްޖެއަށް 214،000 އަށްވުރެ ގިނަ ފަތުރުވެރިން ޒިޔާރަތްކޮށްފިއެވެ.

ޓުއަރިޒަމް މިނިސްޓްރީން ހާމަކުރައްވާފައިވާ އެންމެ ފަހުގެ ތަފާސްހިސާބުތައް ދައްކާ ގޮތުގައި މިއަހަރު ފެށިގެން މިހާރު ހިނގަމުން މިދާ ފެބްރުއަރީ މަހުގެ ފުރަތަމަ ހަފްތާގެ ނިޔަލަށް ޖުމުލަ 214،985 ފަތުރުވެރިން ރާއްޖެއަށް ޒިޔާރަތްކޮށްފައިވެއެވެ. އިންސައްތައިން ބަލާނަމަ މިއީ މިދިޔަ އަހަރުގެ މިމުއްދަތުގައި ރާއްޖެއަށް ޒިޔާރަތްކުރި 163،684 ފަތުރުވެރިންނާ އަޅާ ބަލާއިރު %31 ގެ އިތުރުވުމެކެވެ. މިއަހަރުގެ ވޭތުވެދިޔަ ދޮޅުމަހަށް ބަލާއިރު ދުވާލަކު 5000އަށްވުރެ ގިނަ ފަތުރުވެރިން އެވްރެޖުކޮށް ރާއްޖެއާދެއެވެ.

އެންމެ ފަހުގެ ތަފާސްހިސާބުތައް ދައްކާގޮތުން އެންމެގިނައިން ރާއްޖެއަށް ފަތުރުވެރިން އަންނަ ގައުމެއްގެ ގޮތުގައި މިހާރު އޮތީ ރަޝިޔާއެވެ.