ބޮލީވުޑް އެކްޓަރު ސައިފް އަލީހާން ހާން އާއި ކުރީގެ ބަތަލާ އަމްރިތާ ސިންގް ގެ ފިރިހެން ދަރި އިބްރަހިމް އަލީ ހާން ބޮލިވޫޑް އަށް ތައާރަފް ކުރާނީ ކަރަން ކަމަށް ހަބަރުތަށް ބުނެފިއެވެ.
މީގެ ކުރިންވެސް އިބްރަހިމް ބޮލީވުޑް އަށް ނުކުންނަން އުޅޭ ކަމުގެ އަޑު ވަނީ ދޭތެރެ ދޭތެރެއިން ގަދަވެފައިއެވެ.
ބަތަލަ ސާރާ އަލި ހާން ގެ ކޮއްކޮ މިހާރުވެސް އަންނަނީ ކަރަންއާއި އެކު ކެމެރާގެ ފުރަގަހުގައި މަސައްކަތް ކުރަމުންނެވެ. އެއީ ކަރަން ޑައިރެކްޓްކުރާ "ރޮކީ އޯރް ރާނީ ކީ ޕްރޭމް ކަހާނީ" ގެ އެސިސްޓަންޓް ޑައިރެކްޓަރެއްގެ ގޮތުގައިއެވެ.
21 އަހަރުގެ ޒުވާން އިބްރަހިމް އަކީ މިހާރު ވެސް ގިނަ އަންހެން ކުދިންގެ މެދުގައި މަޝްހޫރު ކުއްޖެކެވެ. އަދި ސޯޝަލް މީޑިއާގައި އޭނާ ވަރަށް ހަރަކާތްތެރިއެވެ.
ކުރިން ވަނީ އިބްރަހިމް ބޮލިވުޑް އަށް ނުކުންނަނީ ،ޒޯޔާ އަޚްތަރު މިހާރު ހަދަމުން އަންނަ "ދި އާޗީސް" ގެ ބަތަލުގެ ރޯލުން ކަމަށް އަޑު އަރައިފައިއެވެ. އެކަމަކު އެ ފިލްމުގެ ބަތަލާ އަކީ އަމީތާބް ބައްޗަންގެ ކާފަދަރިފުޅު އަގަސްޓިއާ ނަންދާ އެވެ. އަދި އޭގެ ބަތަލާއިންނަކީ ޝާހްރުކް ޚާންގެ ދަރިފުޅު ސުހާނާ ޚާނާއި ކުރީހެ ބަތަލާ ސްރީދޭވީގެ ހަގު ދަރުފުޅު ހުޝީ ކަޕޫރެވެ.
ހަބަރުތަށް ބުނާގޮތުގައި އިބްރަހިމް ބޮލިވުޑް އަށް ނިކުންނަނީ ދަރުމާ ޕްރޮޑަކްޝަނާއި ފޮކްސް ސްޓާ ސްޓޫޑިއޯ ގުޅިގެން ހަދާ ފިލްމް އަކުންނެވެ. އެ ފިލްމަކީ މަޝްހޫރު ތެލެގޫ "ރިދަޔަމް" ގެ ހިންދީ ރިމޭކެވެ.
ނަމަވެސް އަދި ރަސްމީކޮށް އެއްވެސް ފަރާތަކުން މި މައުލޫމާތު ކަށަވަރު ކޮށްދީފައިއެއް ނުވެއެވެ.
