ކައިވެންޏެއް ދެމެހެއްޓުމަށް ބޭނުންވާ އެންމެ މުހިންމު އެއް ސިފައަކީ، ދެމީހުން އެކަކު އަނެކަކާ މުއާމަލާތްކޮށް ހުރިހާ ކަމެއް މަޝްވަރާކުރުން ކަމަށް މަޝްހޫރު އެކްޓްރެސް ޕްރިޔަންކާ ޗޯޕްރާ ބުނެފިއެވެ.
"ވޯގް އޮސްޓްރޭލިއާ"އަށް ދިން އިންޓަވިއުއެއްގައި ކައިވެންޏެއް ކާމިޔާބު ވާނެ ގޮތާބެހޭ ސިއްރުތަކާ ބެހޭގޮތު ޕްރިޔަންކާ ވަނީ ވާހަކަދައްކާފައެވެ. އެގޮތުން އެ މެގަޒިނުން އޭނާއާ އެ ސުވާލު ކުރުމުން ބުނީ، އެމީހުންގެ ކައިވެންޏަށް އަދިވީ އެންމެ 4 ވަރަކަށް އަހަރު ކަމަށާއި، މާ ބޮޑު އެއްޗެއް ބުނަން އަދި ނޭނގޭ ކަމަށެވެ.
"އެކަމަކު އަހަރެން ދެކޭ ގޮތުގައި ކައިވެންޏެއް ދަމަހައްޓަން އެންމެ މުހިންމު އެއް ކަމަކީ ދެމީހުން ވާހަކަދެއްކުން. ގިނަ ވަގުތު އެކުގައި ހޭދަކޮށް، ހަމަޖެހިގެން ވާހަކަދެއްކުން، އަދި ލޯތްބާއި އަޅާލުން އެހީތެރިވުން އެކަކު އަނެއްކަކަށް ރެސްޕެކްޓް ކުރުން." ނިކަށް ވަރަށް ތައުރީފް ކުރަމުން ވާހަކަ ދައްކަމުން ޕްރިޔަންކާ ބުންޏެވެ.
ޕްރިޔަންކާ އާއި ނިކްގެ ކައިވެނި މިހާތަނަށް ފެންނަނީ ވަރަށް އޮމާން ކޮށެވެ. އެގޮތުން ދެމީހުން އެކަކު އަނެކަކު ދެކެ ވާ ލޯބި ސޯޝަލް މީޑިއާގައި ހިއްސާކުރަމުންދެއެވެ. ދެމީހުންނަކީ ވެސް ސޯޝަލް މީޑިއާގައި ވަރަށް ހަރަކާތްތެރި ދެމީހުންނެވެ.
އެގޮތުން އެދެމީހުންނަށް މިހާރު ވަނީ ދަރިއަކު ވެސް ލިބިފައެވެ. އެކުއްޖާއަށް ކިޔާ ނަމަކީ މާލްތީ މެރީ ކަމަށް ޚަބަރުތައް ބުނެއެވެ. އެދެމީހުންނަށް ސަރޮގެސީއެއް ކޮށްގެން އެމީހުންނަށް ދަރިއަކު ލިބުނީ މިއަހަރު ޖަނަވަރީ މަހުގެ ތެރޭގައެވެ.
