އިސްރާއީލުގެ ބޮޑުވަޒީރު ނަފްތާލީ ބެނެޓް ކޯވިޑަށް ޕޮޒިޓިވް ވެއްޖެއެވެ. އަދި އޭނާ ކޯވިޑަށް ޕޮޒިޓިވް ވުމާއި ގުޅިގެން މިހާރު މަސައްކަތް ކުރައްވަމުން ގެންދަވަނީ ގޭގައި ހުންނަވައިގެން ކަމުގައި އިސްރާއީލުގެ އިދާރާތަކުން ވަނީ ބުނެފައެވެ.

ނަފްތާލީ ބެނެޓްގެ އޮފީހުން ހާމަ ކޮށްފައިވަނީ، ބެނެޓްގެ ހާލު ރަގަޅު ކަމަށާއި، އަދި ޝެޑިއުލް ކޮށްފައިވާ ކަންކަން ޕޭލޭނާ އެއްގޮތަށް ކުރިޔަށް ދާކަމުގައެވެ. އަދި އޭގެ ތެރޭގައި މި ފަތްތާގެ އާދީއްތަ ދުވަހު، އިޒްރާއީލުގެ ދެ ބޯޑަރ އޮފޮސަރަކު މަރާލާފައިވާ ހާދިސާގެ ބްރީފިން އޭނާއަށް އެރުވުންވެސް ހިމެނޭކަމަށް ބުނެގައި ވެއެވެ.

އިސްރާއީލުގައިވެސް މިހާރު ކޯވިޑް ފެތުރެމުންދަނީ މެދު މިންގަޑެއްގައެވެ. އަދި ދުނިޔޭގެ ގިނަ ގައުމުތަކެކޭ އެއްފަދައިން އިސްރާއީލުގައިވެސް މިހާރު ފެތުރެމުންދަނީ އޮމިކްރޮންގެ ސަބް ވޭރިއެންޓެކެވެ.

ފާއިތުވެދިޔަ ދުވަސްތަކުގައި ބެނެޓްވަނީ އެމެރިކާގެ ސެކެޓްރީ އޮފް ސްޓޭޓް އެންތަނީ ބްލިންކަންއާވެސް ބައްދަލު ކުރައްވާފައެވެ. އަދި އޭނާގެ ކޯވިޑް ޓެސްޓުގެ މަދު ގަޑިއިރުތަކެެއް ކުރިން އޭނާވަނީ، ހަގުރާމަވެރިން ބަޑިޖަހާ އިސްރާއީލުގެ ދެ ބޯޑަރ އޮފިސަރަކު މަރާލާ އަދި އިތުރު 4 މީހަކު ޒަޚަމް ކޮށްލި ހާދިސާ ހިނގި އިސްރާއީލު ހަޑެރާ ސިޓީއަށް ޒިޔާރަތް ކޮށްފައެވެ. އިސްރއީލުން ދިން ހަމަލާތަކުގައި ހަނގުރާމަވެރިންވަނީ މަރުވެފައެވެ.

އިސްރާއީލުން ބުނެފައިވަނީ، މި ހަގުރާމަވެރިންނަކީ އައިސިސްއަށް ނިސްބަތްވާ ހަގުރާމަވެރިންތަކެއް ކަމުގައެވެ. އަދި އައިސިސްއިންވަނީ މި ހަމަލާގެ ޒިންމާ އުފުލާފައެވެ.

މިއީ، އާންމުކޮށް ހަމަނުޖެހުން ހިނގާ މަހެއް ކަމުގައި ރަމަޒާންމަސް އައުމުގެ ކުރިން، ފާއިތިވެދިޔަ ހަފްތާއެއްހާ ދުވަހުގެ ދެރޭގައު އިސްރާއީލުގެ ސިޓީތަކުގައި ހިގާފައިވާ މިފަދަ ދެވަނަ ހާދިސާއެވެ. އަދި މި ހަމަލާއާއި ގުޅިގެން އިސްރާއީލުގެ އޮތޯރިޓީތައް މިހާރުވަނީ އެލާރޓަށް ގެނެވިފައެވެ.