ކޯވިޑް-19 އާއި ގުޅިގެން ހަރުކަށި ފިޔަވަޅުތައް އަޅާފައިވަތީ ބޭންކުތައް ހުޅުވާ ދުވަސްތަކަށް ގެނައި ބަދަލުތައް އެމްއެމްއޭއިން އާންމުކޮށްފިއެވެ.
މާލެ ސަރަހައްދުގައި ކޯވިޑް-19ގެ ނުރައްކާ ބޮޑުވެފައިވާތީ އެޗްޕީއޭއިން އެޅި ރައްކާތެރިކަމުގެ ފިޔަވަޅުތަކާއިއެކު މިމަހުގެ 5ވަނަ ދުވަހުން ފެށިގެން 15ވަނަ ދުވަހާ ހަމައަށް އެމްއެމްއޭއާއި ބޭންކުތައް ހުޅުވާފައި ހުންނާނީ ހަފްތާގެ 2 ދުވަހުއެވެ. އެއީ ހޯމަ އަދި ބުދަ ދުވަހެވެ.
މަރުކަޒީ ބޭންކު އެމްއެމްއޭއިން މިއަދު ބުނެފައިވަނީ މިމަހުގެ 16 ވަނަ ދުވަހުން ފެށިގެން 20 ވަނަ ދުވަހުގެ ނިޔަލަށް އެމްއެމްއޭއާއި ބޭންކުތައް ހުޅުވާފައި ހުންނާނީ ހަފްތާގެ 3 ދުވަހުކަމަށެވެ. އެގޮތުން އެއިދާރާއާއި ބޭންކުތަކުން ޚިދުމަތްދޭނީ ހޯމަ, އަންގާރަ އަދި ބުރާސްފަތި ދުވަހުކަމަށް އެމްއެމްއޭއިން ވަނީ ބުނެފައެެވެ.
މި މުއްދަތުގައި އެމްއެމްއޭއިން ބޭންކިންގ ޚިދުމަތް ދޭނީ ހެނދުނު 09:30 އިން މެންދުރު 12:00 އަށެވެ. އަދި ސިޓީއާއި ތަކެތި ބަލައިގަތުން ކުރިއަށްދާނީ ހެނދުނު 09:30 އިން މެންދުރު 12:00 އަށްކަމަށް އެމްއެމްއޭއިން ވިދާޅުވެއެވެ. ބޭންކިންގ ޚިދުމަތް ދެމުން ގެންދާނީ މިހާރެކޭވެސް އެއްގޮތަށް އެޕޮއިންޓްމަންޓް އުސޫލުންކަމަށް އެ އިދާރާއިން ވަނީ ބުނެފައެވެ.