ވ. އަތޮޅުގައި ހިނގި ލޯންޗު އެކްސިޑެންޓުގައި އިންޑިއާގެ ބިލިނިއަރަކަށް އަނިޔާވެއްޖެ އެވެ.

ވ. ފެލިދޫ ކައިރިން ދަތުރު ކުރަނިކޮށް ރޭ ދަންވަރު ބަންޑުން ޖަހާލި ލޯންޗުން ގެއްލުނު ދެ މީހުން ހޯދުމުގެ މަސައްކަތް ކުރަމުންދާއިރު، ބަންޑުން ޖަހާލި ލޯންޗުގައި ތިބި މީހުންނަށްވެސް ވަނީ އެކިވަރުގެ އަނިޔާލިބިފަ އެވެ. މި ހާދިސާ ހިނގާފައިވަނީ ރޭ ދަންވަރު 1:15 އެހާކަންހާއިރެވެ.

އެނގިފައިވާ ގޮތުގައި އެ އެކްސިޑެންޓުގައި އަނިޔާވި އިންޑިއާގެ ބިލިނިއަރަކީ ރޭމަންޑް ޓެކްސްޓައިލްސްގެ ވެރިޔާ ގޯތަމް ސިންގްހާނިއާ އެވެ. އެކްސިޑެންޓުގައި ބަންޑުން ޖަހާލީ އޭނާގެ ޔޮޓު، ޓީޓީ އަޝޭނާގައި ބޭނުންކުރާ ލޯންޗެކެވެ.