ގާނޫނާ ހިލާފަށް ސިއްރުން ރާއްޖެ އެތެރެކުރަން އުޅުނު ގިނަ އަދަދެއްގެ ސިނގިރޭޓްތަކެއް މޯލްޑިވްސް ކަސްޓަމްސް ސަރވިސްއިން އަތުލައިގެންފިއެވެ.
ކަސްޓަމްސް އިން މިއަދު ބުނީ، ކަނޑުމަގުން އެތެރެކުރަން އުޅުނު ދިނގިރޭޓްތައް އަތުލައިގަތީ، މިމަހުގެ ފަސް ވަނަ ދުވަހު މާލޭ ކޮމާޝަލް ހާބަރުން ކަމަށެވެ.
ކަނޑުމަގުން އެތެރެކުރަން މަސައްކަތް ކޮށްފައިވަނީ 99،000 ސިނގިރޭޓް ސްޓިކްސް ކަމަށްވެސް ބުނެފައިވެއެވެ.
މިދިޔަ ދޮޅުމަސް ދުވަހުގެ ތެރޭގައި ގަވާއިދާ ހިލާފަށް ރާއްޖެ އެތެރެކުރަން އުޅުނު ދެ މިލިޔަން ސިނގިރޭޓު ކަސްޓަމްސްއިން ވަނީ އަތުލައިގެންފައެވެ.
