މިއަންނ އަހަރުގެ ޙައްޖުގެ މޫސުމުގައި، މައްކާ އާއި މަދީނާގައި ފޮޓޯ ނެގުމާއި ވީޑިއޯ ކުރުން މުޅިން މަނާކޮށްފިކަމުގެ ޚަބަރުތަކަކާ ގުޅިގެން، މުސްލިމް އުއްމަތުގައި ބޮޑު ހައިރާންކަމެއް އުފެދިއްޖެ އެވެ.
މި ޚަބަރު ފުރަތަމަ ފެތުރިފައިވަނީ ސަރަޙައްދީ ބައެއް މީޑިއާ ތަކުންނެވެ. އެ ޚަބަރުތަކުގައި ބުނެފައިވަނީ ސައުދީ ސަރުކާރުން ޙަރަމްފުޅު އާއި ނަބަވީގެ ތެރޭގައި މޮބައިލް ފޯނު ކެމެރާއިން ފެށިގެން ޕްރޮފެޝަނަލް ސާމާނާ ހަމައަށް ހުރިހާ ބާވަތެއްގެ ރެކޯޑު ކުރުން މަނާކޮށްފައިވާ ކަމަށެވެ.
މި ރިޕޯޓުތަކުގައި ބުނެފައިވާ ގޮތުގައި، މި ނިންމުމުގެ މަޤްސަދަކީ ކީރިތި ތަންތަނުގެ ހުރުމަތް ރައްކާތެރިކުރުމާއި، ޙައްޖާޖީންގެ ނަފްސާނީ މިނިވަންކަން ދެމެހެއްޓުމާއި، އަދި ދުނިޔޭގެ އެންމެ ބޮޑު ދީނީ އެއްވުމުގެ ތެރޭގައި މީސްކޮޅު ފަސޭހައިން ދަތުރުފަތުރު ކުރުން ކަށަވަރުކުރުމެވެ.
ސައުދީ ބައެއް އޮފިޝަލުންނާ ޙަވާލާދީ މީޑިއާ ތަކުން ބުނެފައިވަނީ މިސްކިތްތަކުގެ ތެރޭގައި ފޮޓޯ ނެގުމަށް ނުވަތަ ވީޑިއޯ ކުރުމަށް މަސައްކަތްކުރާ ޙައްޖާޖީންގެ ސާމާނު އަތުލުމާއި، ޤާނޫނީ ފިޔަވަޅު އެޅުންފަދަ އަދަބުތަކާ ކުރިމަތިލާން ޖެހިދާނެ ކަމަށެވެ.
މި ކަމާގުޅޭ ކަންކަމަށް އާންމުންގެ ވަރަށް ބޮޑު ސަމާލުކަމެއް ލިބިފައިވެއެވެ. ސަބަބަކީ މައްކާ އާއި މަދީނާގެ ތެރޭގައި ފޮޓޯ ނެގުމަކީ ގިނަ ދުވަސްތަކެއް ވަންދެން ހޫނު ބަޙުޘެއް ހިނގާފައިވާ ކަމަކަށް ވާތީއެވެ. ސައުދީ ސަރުކާރުން ވަނީ އަބަދުވެސް ޙައްޖާޖީންނަށް އަޅުކަން އަދާކުރާ ވަގުތު ސެލްފީ ނެގުމުން ދުރުހެލިވުމަށް އިރުޝާދު ދީފައެވެ. އެފަދަ ޢަމަލުތަކުގެ ސަބަބުން ރޫޙާނީ މާޙައުލަށް ބުރޫ އަރައި، ބޭކާރު ތޮއްޖެހުންތަކެއް އުފެދޭކަމަށް ވެސް ސަރުކާރުން އަންގާފައިވެއެވެ.
މީގެ ކުރިން ވެސް ވަކި ޚާއްސަ ހިސާބުތަކުގައި، ޚާއްސަކޮށް ގަބުރުސްތާންތަކާއި، ނަމާދުކުރާ ތަންތަނާއި، އަންހެނުންނަށް ޚާއްސަ ސެކްޝަންތަކުގައި ފޮޓޯ ނެގުން މަނާކޮށްފައިވާ ގަވާއިދުތަކެއް ޢަމަލުކޮށްފައިވެއެވެ.މިވަގުތާ ހަމައަށް މިކަމުގެ ހަޤީގަތް އަދިވެސް ސާފުކޮށް އެނގިފައެއް ނުވެއެވެ. ހައްޖާއި ޢުމްރާގެ ވުޒާރާއިން ރަސްމީ ބަޔާނެއް ނެރެފައި ނުވާތީ، މުޝާހިދުން ވަނީ މިކަމާބެހޭގޮތުން މުޅިން މަނާކުރުމެއް އައިސްފައިވާކަމަށް ނުހީކުރުމަށް އާންމުންނަށް އަންގާފައެވެ. ޙައްޖުވެރިންނަށް ބާރުއަޅުއްވަނީ މިހާރުވެސް ޢަމަލުކުރަމުންދާ އުސޫލުތަކަށް ތަބާވުމަށެވެ: އެހެން މީހުންނަށް އުނދަގޫވާގޮތަށް ފޮޓޯނެގުމުން ދުރުހެލިވުމަށާއި، ޝަރީޢަތް މުޤައްރަރުކުރާ އަޅުކަމުގެ ކަންތައްތަކަށް އިޙްތިރާމްކުރުމަށާއި، އަޅުކަމުގެ ތަޖުރިބާއަށް ޑިޖިޓަލްކޮށް ހިއްސާކުރުމަށްވުރެ އިސްކަންދިނުމަށެވެ.
