ލަންކާއިން ހަބަރެއް ނުވެގެން ގެއްލުނު ދިވެހި އާއިލާ ފެނިއްޖެ

ލަންކާއިން ހަބަރެއް ނުވެގެން ގެއްލުނު ދިވެހި އާއިލާ ފެނިއްޖެ

ގަވާއިދާ ޚިލާފަށް އުޅަނދު ދުއްވާ ފަރާތްތަކަށް ބޮޑެތި އަދަބުތައް ކަނޑައެޅުމަށާއި މާލެ ސަރަހައްދުގެ އެއްގަމު އުޅަނދުގެ ތޮއްޖެހުމުގެ މައްސަލަ ހައްލުކުރުމަށް ހާއްސަ ބިލެއް މަޖިލީހަށް ހުށަހަޅައިފި އެވެ.

ސަރުކާރުގެ ފަރާތުން މި ބިލް ރައްޔިތުންގެ މަޖިލީހަށް ހުށަހެޅުއްވީ ކުރެންދޫ ދާއިރާގެ މެންބަރު މުހައްމަދު ޝާމިން ހަބީބެވެ.

އެއްގަމު އުޅަނދުފަހަރާ ގުޅޭ ގާނޫނަކަށް މިހާރުވެސް އަމަލުކުރެއެވެ. އެކަމަކު ސަރުކާރުން ހުށަހަޅާފައިވަނީ މުޅިން އާ ގޫނޫނެއް ހަދަން ބޭނުވާތީ މުޅިން އާ ބިލެކެވެ. އެގޮތުން މިބިލްގައި އުޅަނދުތައް ރަޖިސްޓްރީ ކުރުމާއި އުޅަނދު ދުއްވުމާއި ގަވާއިދާ ޚިލާފުވާ ފަރާތްތަކަށް އަޅާނެ ފިޔަވަޅުތައް ހިމަނާފަ އެވެ.

ބިލްގައިވާ ގޮތުން އެއްގަމު ދަތުރުފަތުރުގެ ގައުމީ ސްޓްރެޓެޖީއެއް ރައީސުލްޖުމްހޫރިއްޔާ އެކުލަވާލަންޖެހެ އެވެ. އަދި ހަތް މެންބަރުންގެ މައްޗަށް އެކުލެވޭ ރޯޑް ސޭފްޓީ އެންޑް ޓްރެފިކް މެނޭޖްމަންޓް އެޑްވައިޒަރީ ކޮމިޓީއެއް ހަދަންޖެހެ އެވެ.

ރާއްޖޭގައި އެއްގަމު އުޅަނދު ދުއްވުމުގެ ލައިސަންސްގެ އިތުރުން ބައިނަލްއަގްވާމީ ޑްރައިވިން ޕާމިޓެއް ދޫކުރެވޭނެ ކަމަށްވެސް ބިލްގައިވެ އެވެ. މަގުމަތީ ޓްރެފިކާބެހޭ ބައިނަލްއަގްވާމީ މުއާހަދާގައި ބައިވެރިވެފައިވާ ގައުމުތަކުގެ ސައްހަ ލައިސަންސަކާއެކު ރާއްޖޭގައި އުޅަނދު ދުއްވޭނެ ކަމަށާއި ލައިސަންސް ހިފެހެއްޓޭނެ ހާލަތުތައްވެސް ބަޔާންކޮށްފައިވެ އެވެ. އެގޮތުން ފަރުވާ ކުޑަކޮށް ނުވަތަ ނުރައްކާތެރިކޮށް ދުއްވުމަކީ ޖިނާޢީ ކުށެއްގެ ގޮތުގައި ކަނޑައަޅައި، އެފަދަގޮތަކަށް ދުއްވައިގެން ހިނގާ އެކްސިޑެންޓެއްގައި މީހަކު މަރުވެއްޖެނަމަ 20 އަހަރުގެ ޖަލު ހުކުމެއް އަންނާނެކަން ވަނީ ބަޔާންކޮށްފައެވެ. އަދި އެފަދަ އެކްސިޑެންޓެއްގައި މީހަކަށް އަނިޔާއެއް ވެއްޖެނަމަ 10 އަހަރާއި 15 އަހަރާ ދެމެދުގެ ޖަލު ހުކުމެއް، އެއްވެސް އަނިޔާއެއް ވެއްޖެނަމަ 5 އަހަރާ 10 އަހަރާ ދެމެދުގެ ޖަލު ހުކުމެއް އަންނާނެ ކަމަށްވެސް ވަނީ ބަޔާންކޮށްފައެވެ. ޖަލު ހުކުމާއެކު ލައިސަންސް ބާތިލުވާނެ ކަމަށާއި ލައިސަންސް އަލުން ދޫކުރެވޭނީ ޖަލު ހުކުމް ތަންފީޒުކުރުމަށްފަހު ކަމާ ގުޅޭ ވުޒާރާއިން އެކަމަށް ހާއްސަކޮށްގެން ހިންގާ ޕްރޮގްރާމް ފުރިހަމަ ކުރުމުންނެވެ.

މި ބިލްގައި އެއްގަމު އުޅަނދު ދުއްވުމާ ގުޅުންހުރި އިތުރު ކުށްތައްވެސް ބަޔާންކޮށްފައިވެ އެވެ. އެގޮތުން ކުޑަކުއްޖަކަށް ނުވަތަ ލައިސަންސް ނެތް މީހަކަށް އުޅަނދު ދުއްވަން ދިނުމާއި ފަސިންޖަރު ސީޓުގައި އިންނަ މީހަކާ ހުންގާނުގެ ކޮންޓްރޯލް ހަވާލުކުރުމާއި ވިއްކާފައިވާ އުޅަނދުގެ ވެރިފަރާތް ބަދަލުނުކޮށް ދުއްވުމާއި ރަޖިސްޓްރީ ބާތިލުކޮށްފައިވާ އުޅަނދެއް ބޭނުންކުރުމާއި އަހަރީ ފީ ނުދައްކައި އުޅަނދު ދުއްވުމާއި ރޯޑުވަރދިނަސްގެ ޝަރުތުތައް ފުރިހަމަނުކޮށް ދުއްވުންފަދަ ކުށްތައް ވަނީ ހިމަނާފަ އެވެ.

ކުޑަކުއްޖަކަށް ނުވަތަ ލައިސަންސް ނެތް މީހަކަށް އުޅަނދު ދީގެން ހިނގާ އެކްސިޑެންޓުތަކުގައި ޖަލު ހުކުމެއް އަންނާނެ ކަމަށް ބިލްގައި ހިމަނާފައިވާއިރު އެހެން ކުށްތަކަށް އެކި އަދަދުތަކުން ޖޫރިމަނާ ކުރުމަށް ވަނީ ހިމަނާފަ އެވެ. ގަވާއިދާ ޚިލާފަށް ޕާކުކުރާ އުޅަނދުތަކާ މެދު އަމަލުކުރާނެ ގޮތްތަކާއި ޓްރެފިކް ފުލުހުންގެ ޒިންމާތައްވެސް ބިލްގައިވެ އެވެ.

ބިލްގައިވާ ގޮތުން ގާނޫނަށް އަމަލުކުރަން ފަށާތާ 6 މަސް ދުވަހުގެ ތެރޭގައި ގަވާއިދުތައް ހަދައި، އާންމުކުރަންޖެހެ އެވެ. މި ބިލް މަޖިލީހުން ބަލައިގަތީ ޖަލްސާގައި ބައިވެރިވި މެންބަރުންގެ އިއްތިފާގުންނެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *