މިނިވަންކަން ހަނިކޮށް މީޑިޔާ ބިލު ފާސްކުރިޔަސް އެއަށް އަމަލު ކުރާކަށް ނުޖެހޭނެ، އެއީ އަސާސީ ހައްގެއް: މޫސަ

މިނިވަންކަން ހަނިކޮށް މީޑިޔާ ބިލު ފާސްކުރިޔަސް އެއަށް އަމަލު ކުރާކަށް ނުޖެހޭނެ، އެއީ އަސާސީ ހައްގެއް: މޫސަ

ޤާނޫނުއަސާސީގެ 27 ވަނަ މާއްދާ އާއި 28 ވަނަ މާއްދާއިން ދީފައިވާ ޚިޔާލުފާޅުކުރުމުގެ މިނިވަންކަމާއި ނޫސްވެރިކަމުގެ މިނިވަންކަން ހަނިކުރުމަށް މަޖިލީހަށް ވައްދާފައިވާ މީޑިޔާ ބިލު އެގޮތަށް ފާސްކުރިޔަސް އޭގެ މައްޗަށް އަމަލު ކުރަން ރައްޔިތުންނަށް ނުޖެހޭނެ ކަމަށް ރައްޔިތުންގެ މަޖިލީހުގެ ކުރީގެ ނައިބު ރައީސް ރީކޯ މޫސާ މަނިކު ވިދާޅުވެއްޖެއެވެ.

އެކްސްގައި މޫސަ ވިދާޅުވީ، މީޑިޔާ ބިލު އެގޮތަށް ފާސްކުރިޔަސް އެއަށް އަމަލު ކުރަން ނުޖެހޭނެ ސަބަބަކީ ޤާނޫނުއަސާސީގެ 27 އަދި 28 ވަނަ މާއްދާގައި ޚިޔާލު ފާޅުކުރުމުގެ މިނިވަންކަމާއި ނޫސްވެރިކަމުގެ މިނިވަންކަމަކީ އަސާސީ ހައްގެއް ކަމަށް ބުނެފައިވާތީ ކަމަށެވެ.

މޫސަ ވިދާޅުވީ، އަސާސީ ހައްގުތަކާއި މިނިވަންކަމުގެ ބާބުގެ އެއްވެސް މާއްދާއަކަށް ބަދަލު ގެނެސް، ރައީސަށް އެ ބިލެއް ތަސްދީގު ކުރެއްވޭނީ ރައްޔިތުންގެ ފެންނަ ނުފެންނަ ވޯޓެއް ލައިގެން ކަމަށެވެ.

‏"އަސާސީ ޙައްޤެއްގެ  ގޮތުގައި  ޤާނޫނުއަސާސީގެ  27  އަދި 28  ވަނަ މާއްދާއިން ދީފައިވާ  ޚިޔާލު ފާޅުކުރުމާއި  ނޫސްވެރިކަމުގެ  މިނިވަންކަން  ހަނިކުރުމަށް  މަޖުލީހުގައި  ބަޙުސްކޮށް  ފާސް  ކުރިއަސް  ޤާނޫނުއަސާސީގެ 262 ވަނަ މާއްދާގައި ބުނާ ގޮތުން. އަސާސީ ޙައްޤުތަކާ  މިނިވަންކަމުގެ  ބާބުގެ  އެއްވެސް  މާއްދާއަކަށް  ބަދަލުގެނެސް  ރައީސުލް  ޖުމްހޫރިއްޔާއަށް  ބިލް  ތަސްދީޤު  ކުރެވޭނީ  ރައްޔިތުންގެ  ފެންނަ  ނުފެންނަ ވޯޓެއް ލައިގެނެވެ. " މޫސަ ވިދާޅުވިއެވެ.

މޫސަ ވިދާޅުވީ، ޤާނޫނެއް ހެދިޔަސް އެއަށް އަމަލު ކުރަންވެސް ގޮތްތަކެއް ހުންނަ ކަމަށެވެ.

"ޤާނޫނެއް  ހެދިޔަސް  ޢަމަލް  ކުރަން ޖެހޭނީ  އެކަންކުރަން އޮންނަ ގޮތަށް ކުރީމައެވެ.  އެހެންނޫނީ  އެއީ  ރައްޔިތުން  އެއަށް  އަމަލް ކުރަން  ޖެހޭނެ އެއްޗެއް  ނޫނެވެ" މޫސަ ވިދާޅުވިއެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *