ޕިކްނިކް ހަދަން ހުއްދަ ހޯދާކަށް ނުޖެހޭނެ: އެޗްޑީސީ

ޕިކްނިކް ހަދަން ހުއްދަ ހޯދާކަށް ނުޖެހޭނެ: އެޗްޑީސީ

ހުޅުމާލޭގައި ޕިކްނިކް ހަދަން ހުއްދަ ހޯދަން ނުޖެހޭނެ ކަމަށް އެޗްޑީސީން  މިއަދު ބުނެފި އެވެ.

ހުޅުމާލޭގެ އެކި ސަރަހައްދުތަކުގައި ޕިކްނިކް ހަދަން އެޗްޑީސީން ހުއްދަ ހޯދަން ޖެހޭކަމަށް ބުނެ ޝޯޝަލް މީޑިއާގައި ޕޯސްޓުތަކެއް ދަނީ ދައުރުވަމުން ނެވެ.

އެކަމާ ގުޅޭ ގޮތުން އެޗްޑީސީގެ އޮފިޝަލަކު ވިދާޅުވީ ހުޅުމާލޭގެ އާންމު ތަންތަން ބޭނުންކުރުމުގައި އަމަލުކުރާނެ އުސޫލުތަކެއް އޮންނަ ކަމަށެވެ.

އަދި އެ އުސޫލުތަކުގެ ތެރެއިން  ޕާކު ނުވަތަ ބީޗު އޭރިއާ ހިމެނޭހެން އާންމު ތަންތަނުގައި އާއިލާއާއާއެކު ޕިކްނިކް ހެދޭނެ ކަމަށާއި ނަމަވެސް ގޮނޑި މޭޒު ފަދަ ތަކެތި ގެނެސްގެން ޕިކްނިކް ހަދާ ނަމަ ހުއްދަ ނަގަން ޖެހޭނެކަމަށް އޮފިޝަލު ވިދާޅުވި އެވެ.

އޮފިޝަލު ވިދާޅުވީ ހުޅުމާލޭގެ ސާފުތާހިރުކަން ބޭއްވުމަށް މަސައްކަތް ކުރަމުންދާ ކަމަށާއި އަދި އެޗްޑީސީގެ މުވައްޒަފުން ޑިއުޓީގައި އުޅޭއިރު ޕިކްނިކް ހެދުން ފަދަ ކަންކަމާ ގުޅިގެން ސުވާލުކޮށް ހަދާނެ ކަމަށެވެ. އަދި ސާފުތާހިރުކަން ކަށަވަރުކުރުމުގެ ގޮތުން އެފަދަ ކަންކަމުގައި އިސްކޮށް އުޅޭ މީހުންނާ ގުޅޭނެ ނަންބަރު ފަދަ މައުލޫމާތުތައް ނަގާނެ ކަމަށް އޭނާ ވިދާޅުވި އެވެ.

ގިނަ ބަޔަކު ހާއްސަކޮށް ހަފްތާ ބަންދުގައި ހުޅުމާލެއަށް ގޮސް ޕިކްނިކް ހަދާކަން ފާހަގަކޮށްލެވެ އެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *