ފޮރިން މިނިސްޓަރ އަބްދުﷲ ޚަލީލް ސައުދީއަރަބިއްޔާއަށް ވަޑައިގެންފިއެވެ.
ފޮރިން މިނިސްޓްރީން ބުނީ ޚަލީލުގެ މި ދަތުރުފުޅަކީ، ސައުދީއަރަބިއްޔާގެ ފޮރިން މިނިސްޓަރު ޕްރިންސް ފައިސަލް ބިން ފަރްހާން އަލް ސައޫދުގެ ދައުވަތަކަށް ކުރައްވާ ދަތުރުފުޅެއް ކަމަށެވެ.
މިނިސްޓްރީން ބުނީ ޚަލީލުގެ މިދަތުރުފުޅުގައި ދެގައުމުގެ މެދުގައި އޮތް ޒަމާންވީ ގުޅުން އިތުރަށް ބަދަހިކުރުމަށާއި، ދެ ގައުމުގެ މެދުގައި ވިޔަފާރީގެ އިންވެސްޓްމަންޓްތައް ފުޅާކުރުމުގެ މަޝްވަރާތައް ސައުދީއާއެކު ކުރައްވާނެ ކަމަށެވެ.
އެގޮތުން ސައުދީ ފަންޑުގެ އެހީގައި ރާއްޖޭގައި މިހާރުވެސް ކުރިއަށްދާ މަޝްރޫއުތަކާއި ބެހޭގޮތުން މަޝްވަރާ ކުރައްވާނެއެވެ.
