ޓޫރިޒަމް މިނިސްޓަރު ކަމުގައި ހުންނެވި އިބްރާހީމް ފައިސަލް މިއަދު މަގާމުން ވަކިކުރެއްވުމަށްފަހު، ޓޫރިޒަމް މިނިސްޓްރީ ހިންގުން ވަގުތީގޮތުން އިކޮނޮމިކް މިނިސްޓަރު މުޙަންމަދު ސައީދުއާ، ރައީސުލްޖުމްހޫރިއްޔާ ހަވާލު ކުރައްވައިފިއެވެ.
ރައީސް އޮފީހުން ބުނީ ފައިސަލް މަގާމުން ވަކިކުރެއްވީ މިއަދު ކަމަށާއި، އެ މިނިސްޓްރީ ވަގުތީގޮތުން ހިންގަވާނީ މިނިސްޓަރ ސައީދު ކަމަށެވެ.
ވަޒީރު ކަމުން ފައިސަލް ވަކިކުރެއްވި ސަބަބެއް ރައީސް އޮފީހުން ހާމައެއް ނުކުރެއެވެ. ނަމަވެސް ރަސްމީ ހަައިސިއްޔަތުން ރާއްޖެއިން ބޭރަށް ކުރައްވަން ހަމަޖައްސާފައިވާ ހުރިހާ ދަތުރުތަކެއް ހުއްޓާލަން ދާދިފަހުން ރައީސް އޮފީހުން ފައިސަލަށް ވަނީ އަންގާފައެވެ.
