ދައުލަތުގެ ޚަރަދުތައް ހަމަޖެއްސުމަށްޓަކައި ބަޖެޓް ސަޕޯޓަކަށް 50 މިލިއަން ޑޮލަރުގެ ލޯނެއް ނަގައިފިއެވެ.

ސަރުކާރުން މި ލޯނު ނެގީ އެމެރިކާގެ ކުންފުންޏަކުންނެވެ. އެއީ އެ ގައުމުގެ ކާގިލް ފައިނޭންޝަލް ސާވިސް އިންޓަރނޭޝަނަލް އިންކޯޕަރޭޓެޑް (ސީއެފްއެސްއައި) ކިޔާ ކުންފުންޏަކުންކަން ފިނޭންސް މިނިސްޓްރީގެ ހިސާބުތަކުން އެނގެއެވެ. އެ ކުންފުނިން ލޯނު ދީފައިވަނީ އެސްޓީއޯއިން ގެރެންޓީ ދީގެންނެވެ. މިއީ ދިވެހި ރުފިޔާއިން ބަލާއިރު 771 މިލިއަން ދިވެހި ރުފިޔާގެ ލޯނެކެވެ. މި ލޯނު ސަރުކާރުން ނަގާފައި ވަނީ ހުސްވި ނޮވެމްބަރު މަހުގެ ތެރޭގައެވެ.

ފިނޭންސް މިނިސްޓްރީން އާންމުކޮށްފައިވާ ހިސާބުތަކުން އެނގޭ ގޮތުން އެ ލޯނު ނެގީ މިދިޔަ އަހަރުގެ ނޮވެމްބަރު 8، ގަ އެވެ. އެ ލޯނު ނެގީ އެމެރިކާގެ މާލީ ކުންފުންޏެއް ކަމަށްވާ ކާގިލް ފައިނޭންޝަލް ސާވިސް އިންޓަނޭޝަނަލް އިންކޯޕަރޭޓެޑް (ސީއެފްއެސްއައި) މެދުވެރިކޮށެވެ.