ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) ގެ މާލީ ހުރިހާ މުއާމަލާތްތަކެއް މިވަގުތަށް ހުއްޓާލަން އެޗްޑީސީގެ އޮޑިޓަރު އަންގައިފިއެވެ.
އެޗްޑީސީގެ ޗީފް އިންޓާނަލް އޮޑިޓަރު ނެރުނު އިންޓާނަލް މެމޯއެއްގައިވާ ބުނެފައި ވަނީ، އެ ކުންފުނިން ހިންގާ މާލީ ގިނަ މުއާމަލާތްތަކެއް ވަގުތީ ގޮތުން މަޑުޖައްސާލުމަށެވެ. އެއީ މިހާރު ފެންމަތި ވެފައިވާ ގޯތި މައްސަލައާއި ގުޅިގެންނެވެ.
އޮޑިޓަރު އަންގަވާފައި ވަނީ އިމަޖެންސީ ހާލަތެއްގައި މެނުވީ އެއްވެސް ޕްރޮކިއުމެންޓް މުއާމަލާތެއްވެސް ނުހިންގުމަށެވެ. އަދި ފައިސާ ދެއްކުމުގެ އެއްވެސް މުއާމަލާތެއް ނުކުރަންވެސް އަންގަވާފައިވެއެވެ. މީގެއިތުރުން އެއްވެސް މުވައްޒަފަކު ވަކިކުރުމާއި އަލަށް މަގާމުތަކަށް މީހުން ނެގުންވެސް ވަނީ މިވަގުތަށް މަޑު ޖައްސާލަން އަންގަވާފައެވެ.
މި ފިޔަވަޅުތައް އަޅަން އޮޑިޓަރު އެންގެވިއިރު، މިދިޔަ ސަރުކާރުން ކުރިއަށް ގެންދިޔަ ބިންވެރިޔާ ސްކީމުގައި ބައިވެރިނުވާ ފަރާތްތަކަކަށް ގޯތި ދިން މައްސަލަ މިހާރު ވަނީ ހޫނުވެފައެވެ.
