މޯލްޑިވްސް މީޑިޔާ ކައުންސިލް (އެމްއެމްސީ) އާއި ބްރޯޑްކާސްޓިން ކޮމިޝަން އުވާލައި، ރައީސުލްޖުމްހޫރިއްޔާއަށް ބާރުލިބޭ ގޮތަށް "މޯލްޑިވްސް މީޑިޔާ އެންޑް ބްރޯޑްކާސްޓިން ކޮމިޝަން"ގެ ނަމުގައި ކޮމިޝަނެއް އުފައްދަން ރައްޔިތުންގެ މަޖިލީހަށް ހުށަހެޅި ބިލް އަނބުރާ ގެންދަން ނިންމައިފިއެވެ.
ބިލު މަޖިލީހަށް ހުށަހެޅުއްވި އަމިއްލަ މެންބަރު ތުޅާދޫ ދާއިރާގެ މެންބަރު އަބަދުލް ހައްނާން އަބޫބަކުރު ވިދާޅުވީ އެ ބިލު އަނބުރާ ގެންދަން ނިންމަވާފައިވާ ކަމަށެވެ.
އޭނާ ވިދާޅުވީ، ރައީސުލްޖުމްހޫރިއްޔާ ޑރ. މުހައްމަދު މުއިއްޒު ބިލާ ބެހޭގޮތުން ދެއްކެވި ވާހަކަފުޅުން މަޖިލީހުގެ 75 މެންބަރުންގެ އަގުލަބިއްޔަތު ބިލް ބަލައި ގަތުމަށް ނުލިބޭނެތީ، މަޖިލީހުގެ ވަގުތު ސަލާމަތް ކުރުމުގެ ގޮތުން ބިލް އަނބުރާ ގެންދަވަން ނިންމެވީ ކަމަށެވެ.
